മലപ്പുറം : വഖഫ് ബോര്ഡിലെ പിഎസ്സി നിയമനം പിന്വലിക്കാന് തയ്യാറല്ലെന്ന് മുഖ്യമന്ത്രി പിണറായി വിജയന് പറഞ്ഞിട്ടില്ല.നിയമനം പിഎസ്സിക് വിട്ടതിനെച്ചൊല്ലിയുള്ള പ്രതിഷേധ സമരത്തില് നിന്നും പിന്മാറുകയാണെന്ന് സമസ്ത. വഖഫ് ബോര്ഡ് നിയമനത്തില് കേരള സര്ക്കാര് തുടര് നടപടികള് ഒന്നും കൈക്കൊള്ളാത്ത സാഹചര്യത്തിലാണ് സമസ്ത സമരത്തില് നിന്നും പിന്മാറുന്നതായി അറിയിച്ചിരിക്കുന്നത്.
സമസ്തയ്ക്ക് സമരമല്ല പ്രതിഷേധ രീതിയാണ്. വഖഫ് വിഷയത്തില് പിണറായിയുടേത് മാന്യമായ സമീപനമാണ്. നിലവില് തുടര് നടപടികള് ഒന്നും സര്ക്കാര് സ്വീകരിച്ചിട്ടില്ല. ഈ സാഹര്യത്തിലാണ് പ്രതിഷേധത്തില് നിന്നും പിന്മാറുന്നത്. ഇതുമായി ബന്ധപ്പെട്ട് സമസ്ത സമരം ആഹ്വാനം ചെയ്തിട്ടില്ലെന്ന് ജിഫ്രി മുത്തുക്കോയ തങ്ങള് പറഞ്ഞു.
സമസ്തയ്ക്ക് പൊതു കോര്ഡിനേഷന് കമ്മിറ്റി ഇല്ല. തങ്ങള്മാര് വിളിച്ചു ചേര്ക്കുമ്പോഴാണ് കോര്ഡിനേഷന് കമ്മിറ്റി ഉണ്ടാകുന്നത്. വഖഫ് ബോര്ഡില് ജീവനക്കാരെ നിയമിക്കുന്നത് പിഎസ്സിക്ക് വിട്ടുകൊടുക്കുന്നതുമായി ബന്ധപ്പെട്ട് അടുത്തിടെയാണ് നിയമസഭ ബില് പാസാക്കിയത്.
എന്നാല് ഇതിനെതിരെ മുസ്ലിം ലീഗ്, സമസ്ത അടക്കമുള്ള നേതാക്കള് ഇതിനെതിരെ രംഗത്ത് എത്തുകയായിരുന്നു. തുടര്ന്ന് സമസ്ത മുഖ്യമന്ത്രി സമസ്ത നേതാക്കളുമായി കഴിഞ്ഞ ദിവസം ചര്ച്ച നടത്തിയിരുന്നു. ഇതോടെ നിയമനം പിഎസ്സിക്ക് വിടും മുമ്പ് വിശദമായ ചര്ച്ച നടത്തുമെന്നും അത് വരെ തല്സ്ഥിതി തുടരുമെന്നുമാണ് മുഖ്യമന്ത്രി അറിയിച്ചു.
വഖഫ് നിയമനവിവാദത്തില് ലീഗ് അടക്കമുള്ള സംഘടനകള് സംയുക്ത സമരത്തിലേക്ക് നീങ്ങുന്നതിനിടെയാണ് മുഖ്യമന്ത്രി മറുപടി നല്കിയിരിക്കുന്നത്. അതേസമയം വഖഫ് സമരത്തില് നിന്നും സമസ്ത പിന്മാറുന്നതായി അറിയിച്ചതോടെ ലീഗിന്റെ നില പരുങ്ങലില് ആയിരിക്കുകയാണ്.
