കോട്ടയം : പെരിങ്ങര സിപിഎം ലോക്കല് കമ്മിറ്റി സെക്രട്ടറി സന്ദീപിന്റെ കൊലപാതക കേസിലെ പ്രതികള്ക്ക് സിപിഎമ്മുമായാണ് ബന്ധമെന്ന് കേന്ദ്രമന്ത്രി വി. മുരളീധരന്. സന്ദീപിനെ ബിജെപി- ആര്എസ്എസ് പ്രവര്ത്തകര് ആസൂത്രണം ചെയ്ത് കൊലപ്പെടുത്തിയതാണെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ പ്രസ്താവനയോട് പ്രതികരിക്കുകയായിരുന്നു മുരളീധരന്.
സന്ദീപിന്റേത് രാഷ്ട്രീയ കൊലപാതകമല്ല. സത്യം പറഞ്ഞ പോലീസുകാരെ റിമാന്ഡ് റിപ്പോര്ട്ട് തിരുത്തി സിപിഎം എഴുതിക്കുകയാണ് ഉണ്ടായത്. പ്രതികളില് ഒരാളെ യുവമോര്ച്ച പുറത്താക്കിയാണ്. പ്രതികള്ക്ക് സിപിഎമ്മുമായാണ് ബന്ധം. പെരിയയില് തോറ്റതിന് തിരുവല്ലയില് കണക്കു തീര്ക്കാന് വരരുതെന്നും വി. മുരളീധരന് പറഞ്ഞു.
ബിജെപി- ആര്എസ്എസ് നേതൃത്വം ആസൂത്രണം ചെയ്താണ് കൊല നടത്തിയതെന്നായിരുന്നു സന്ദീപിന്റെ വീട്ടില് സന്ദര്ശനം നടത്തിയ ശേഷം കോടിയേരി മാധ്യമങ്ങളോട് പ്രതികരിച്ചത്. കേസിലെ ഒരു പ്രതി ബിജെപിക്കാരന് ആണെന്ന് ബിജെപി തന്നെ സമ്മതിച്ചതാണ്. ബാക്കിയുള്ളവരെ അവര് സംഘടിപ്പിച്ചതാകും. പോലീസുമായി ബന്ധപ്പെട്ട് മറ്റ് ആരോപണങ്ങളെ കുറിച്ച് അറിയില്ലെന്നുമായിരുന്നു കോടിയേരിയുടെ പ്രസ്താവന.
