തിരുവനന്തപുരം: കോടിയേരി ബാലകൃഷ്ണന്റെ മരണ ശേഷം കുടുംബത്തെ തിരിഞ്ഞ് നോക്കിയില്ലെന്ന ഭാര്യ വിനോദിനി ബാലകൃഷ്ണന്റെ ആരോപണം തള്ളി സിപിഎം സംസ്ഥാന സെക്രട്ടറി എംവി ഗോവിന്ദന്.പാര്ട്ടി ആരെയും അവഗണിച്ചിട്ടില്ലെന്നും വസ്തുതാ വിരുദ്ധമായ ആരോപണമാണെന്നും പാര്ട്ടി അക്കാര്യം പരിശോധിക്കേണ്ട കാര്യമില്ലെന്നും എംവി ഗോവിന്ദന് പറഞ്ഞു.
കഴിഞ്ഞദിവസം കൂടി വിനോദിനിയെയും കുടുംബത്തെയും സന്ദര്ശിച്ചെന്നും എം വി ഗോവിന്ദന് പറഞ്ഞു.നായനാര്, ചടയന് ഗോവിന്ദന് എന്നിവരുടെ ഭാര്യമാരെ ഉള്പ്പെടെ അടുത്ത് തന്നെ സന്ദര്ശിച്ചതാണെന്ന് എം വി ഗോവിന്ദന് പറഞ്ഞു.
ഒരു മാസികയ്ക്ക് നല്കിയ അഭിമുഖത്തിലായിരുന്നു എം വി ഗോവിന്ദനെതിരെ പേര് പറയാതെ ഗുരുതര ആരോപണം വിനോദിനി ബാലകൃഷ്ണന് ഉന്നയിച്ചത്. ആവശ്യത്തിന് വിളിച്ചാല് ഉന്നത പദവിയിലിരിക്കുന്ന പിബി അംഗം ഫോണെടുക്കാറില്ല. കാര്യസാധ്യത്തിന് വിളിക്കുകയാണെന്ന് കരുതി ആയിരിക്കും ഫോണെടുക്കാത്തതെന്ന് വിനോദിനി പറഞ്ഞിരുന്നു.
