കോട്ടയം: കാറിലെത്തിയ യുവാവ് ഫോണില് സംസാരിച്ച് കൊണ്ടു ട്രെയിനിനു മുന്നില് ചാടി ജീവനൊടുക്കി. പള്ളിക്കത്തോട് ആനിക്കാട് വെസ്റ്റ് മുകളേല് ത്രയീശം വീട്ടില് ഹരികൃഷ്ണന് പത്മനാഭന് (37) ആണ് മരിച്ചത്. രാവിലെ ജോലി സ്ഥലത്തേക്കു പോകുംവഴി മുട്ടമ്പലം റെയില്വെ ക്രോസിന് സമീപത്തായിരുന്നു സംഭവം. കോട്ടയത്ത് കെടിഎം ഇരുചക്ര വാഹന ഷോറൂമില് ജനറല് മാനേജറായിരുന്നു ഹരികൃഷ്ണന്.
രാവിലെ 10 മണിയോടെ റെയില്വേ ഗേറ്റിന്റെ ഭാഗത്തു കാറിലെത്തിയ ഹരികൃഷ്ണന്, വാഹനം നിര്ത്തി പുറത്തിറങ്ങി. ഫോണ് വിളിച്ചുകൊണ്ടു റെയില്വേ ട്രാക്കിലേക്ക് നടന്നു. ട്രെയിന് വന്നപ്പോള് മുന്നിലേക്കു ചാടുകയായിരുന്നെന്നും ദൃക്സാക്ഷികള് പറഞ്ഞു. ലക്ഷ്മി വര്മയാണ് ഭാര്യ. രണ്ടു മക്കളുണ്ട്.
