കൊച്ചി: ഗതാഗതം തടഞ്ഞുള്ള കോണ്ഗ്രസ് സമരത്തിനെതിരേ പ്രതികരിച്ച നടന് ജോജു ജോര്ജിനെ പിന്തുണച്ച് മാധ്യമപ്രവര്ത്തകന് ബൈജു എന് നായര്. യാതൊരു പ്രയോജനവുമുണ്ടാകാത്ത ഒരു കാര്യത്തിന്റെ പേരില് രണ്ടു മണിക്കൂര് വഴിയില് കിടക്കേണ്ടി വന്നാല് ഞാനും നിങ്ങളും പ്രതികരിച്ചാല് അത് ഇങ്ങനെ തന്നെയായിരിക്കും. എന്നാല് നമ്മള് ഭീരുക്കളാണ്. നമ്മുടെ കാറിന്റെ ചില്ലിനെ സ്നേഹിക്കുന്ന ഭീരുക്കളെന്ന് അദേഹം ഫേസ്ബുക്കില് കുറിച്ചു.
ബൈജു എന് നായരുടെ ഫേസ്ബുക്ക് പോസ്റ്റിന്റെ പൂര്ണരൂപം:
വല്ലവന്റെയും കീശയില് കൈയിട്ട് അടിച്ചു മാറ്റുന്ന കാശു കൊണ്ട് ജീവിതം കഴിക്കുന്ന രാഷ്ട്രീയ ഹിജഡകള്ക്ക്, രാപകലില്ലാതെ കഷ്ടപ്പെട്ട് കാശുണ്ടാക്കി വണ്ടി വാങ്ങിക്കുന്നവന്റെ വിഷമം മനസിലാവില്ല. മറ്റുള്ളവന്റെ സമയത്തിന്റെ വില മനസിലാക്കാതെ, നേതാക്കന്മാരുടെ വാക്കു കേട്ട്, പ്രതിഫലമായി കിട്ടുന്ന ബിരിയാണിയുടെ ഓര്മയില് ജനങ്ങളെ തടയാനെത്തുന്ന അണികള് എന്ന രാഷ്ട്രീയ കോമരങ്ങള്ക്കു നേരെ ഉറഞ്ഞു തുള്ളിയ ജോജുവിന്റെ വാക്കുകള് സ്വതന്ത്രമായി ചിന്തിക്കുന്ന ഏതൊരു മലയാളിയുടെയും വാക്കുകളാണ്.
യാതൊരു പ്രയോജനവുമുണ്ടാകാത്ത ഒരു കാര്യത്തിന്റെ പേരില് രണ്ടു മണിക്കൂര് വഴിയില് കിടക്കേണ്ടി വന്നാല് ഞാനും നിങ്ങളും പ്രതികരിച്ചാല് അത് ഇങ്ങനെ തന്നെയായിരിക്കും. എന്നാല് നമ്മള് ഭീരുക്കളാണ്. നമ്മുടെ കാറിന്റെ ചില്ലിനെ സ്നേഹിക്കുന്ന ഭീരുക്കള്! ജോജു, പ്രിയപ്പെട്ടവനേ. സ്വതന്ത്രമായി ചിന്തിക്കുന്ന, ആത്മാഭിമാനം ഇനിയും രാഷ്ട്രീയ കോമാളികള്ക്ക് പണയം വെച്ചിട്ടില്ലാത്ത കേരള ജനത നിങ്ങള്ക്കൊപ്പമുണ്ടാകും. വി.ഡി. സതീശന് എന്ന പ്രിയപ്പെട്ടെ സുഹൃത്തേ, അണികളെയോര്ത്ത് അങ്ങ് ലജ്ജിക്കുക.
