തിരുവനന്തപുരം: കൂട്ടിക്കല് പഞ്ചായത്തിലെ പ്ലാപള്ളി, കവാലി പ്രദേശങ്ങളിലുണ്ടായ ഉരുള്പൊട്ടലില് ജീവന് നഷ്ടമായവരുടെ കുടുംബങ്ങള്ക്ക് നാല് ലക്ഷം രൂപ നല്കുമെന്ന് റവന്യൂ മന്ത്രി കെ.രാജന് പറഞ്ഞു. പ്രദേശത്ത് തെളിഞ്ഞ കാലാവസ്ഥയായിരുന്നത് രക്ഷാ പ്രവര്ത്തനങ്ങള്ക്ക് ഗുണകരമായിട്ടുണ്ട്. തിരച്ചിലിനും രക്ഷാപ്രവര്ത്തനങ്ങള്ക്കും സാധ്യമായ എല്ലാ ഇടപെടലുകളും നടത്താന് സര്ക്കാരിന് സാധിച്ചതായും അദ്ദേഹം പറഞ്ഞു.
പോലീസ്, ഫയര് ഫോഴ്സ് എന്നിവയ്ക്കു പുറമെ ഒരു കരസേന, എയര്ലിഫ്റ്റിംഗ് ടിം പ്രദേശവാസികള് തുടങ്ങിയവര് രക്ഷാ പ്രവര്ത്തനത്തില് പങ്കാളികളായി. കക്കി, ഇടുക്കി ഡാമുകള് തുറക്കേണ്ട സാഹചര്യം പരിശോധിക്കുന്നതിന് ബന്ധപ്പെട്ട ഉദ്യോഗസ്ഥരുടെ യോഗം ചേര്ന്നു സ്ഥിതിഗതികള് വിലയിരുത്തിയതായും മന്ത്രി അറിയിച്ചു.
