തിരുവനന്തപുരം: തമ്പാനൂര് റെയില്വേ പാര്ക്കിങ് ഗ്രൗണ്ടിലെ വാഹനങ്ങള് തകര്ത്ത സംഭവത്തില് പ്രതിയെ പോലീസ് അറസ്റ്റ് ചെയ്തു. പൂജപ്പുര സ്വദേശി എബ്രഹാം ആണ് പിടിയിലായത്. പതിനെട്ടുവയസുകാരനായ ഇയാള് ലഹരിക്കടിമയാണെന്നാണ് പോലീസ് പറയുന്നത്.
സെന്ട്രല് റെയില്വേ സ്റ്റേഷനിലെ പാര്ക്കിംഗിലെ 19 വാഹനങ്ങളാണ് ഇയാള് അടിച്ചു തകര്ത്തത്. കാറുകളുടെ ചില്ലുകള് തകര്ത്ത അക്രമി കാറിനുള്ളിലെ സാധനങ്ങള് പുറത്തേയ്ക്ക് എറിഞ്ഞു. സ്റ്റീരിയോ, കൂളിംഗ് ഗ്ലാസ്, പെന്െ്രെഡവ് തുടങ്ങിയ സാധനങ്ങള് മോഷ്ടിക്കുകയും ചെയ്തു.
കൃത്്യത്തിന് പിന്നില് ഒരാള് മാത്രമാണ് ഉള്ളതെന്ന് ആര്പിഎഫ് വ്യക്തമാക്കിയിരുന്നു. സിസിടിവി ദൃശ്യങ്ങളും പുറത്തുവിട്ടിരുന്നു. സംഭവത്തില് റെയില്വേ ജീവനക്കാരുടെ വാഹങ്ങളും തകര്ക്കപ്പെട്ടു.
