ദുബായ്: സഞ്ജു സാംസണിന്റെ ബാറ്റിങ് മികവില് സണ്റൈസേഴ്സ് ഹൈദരാബാദിനെതിരെ രാജസ്ഥാന് റോയല്സിന് ഭേദപ്പെട്ട സ്കോര്. ആദ്യം ബാറ്റ് ചെയ്ത രാജസ്ഥാന് അഞ്ച് വിക്കറ്റ് നഷ്ടത്തില് 164 റണ്സ് നേടി.
സഞ്ജു സാംസണിന്റെ അര്ധ സെഞ്ചുറിയാണ് രാജസ്ഥാനെ ഭേദപ്പെട്ട സ്കോര് സമ്മാനിച്ചത്. സഞ്ജു 57 പന്തില് 82 റണ്സ് നേടി. ഓപ്പണര് യശസ്വി ജെയ്സ്വാള് 36 റണ്സുമായി മികച്ച പിന്തുണ നല്കി. മധ്യനിരയില് മഹിപാല് ലോംറോര് 29 റണ്സെടുത്ത് പുറത്താകാതെ നിന്നു. അവസാന ഓവറുകളില് കൂറ്റന് അടികള് നടത്താനാകാതെ പോയതാണ് രാജസ്ഥാന് തിരിച്ചടിയായത്. ഹൈദരാബാദിനായി സിദ്ധാര്ഥ് കൗള് രണ്ട് വിക്കറ്റ് വീഴ്ത്തി. അര്ധ സെഞ്ചുറി നേടിയതോടെ റണ്വേട്ടയില് സഞ്ജു ഒന്നാമതെത്തി.
