തിരുവനന്തപുരം: റെക്കോഡ് ടിക്കറ്റ് വില്‍പന നടന്ന ഇത്തവണത്തെ ഓണം ബമ്പര്‍ നറുക്കെടുപ്പില്‍ 12 കോടിയുടെ സമ്മാനം ലഭിച്ചത് ടിഇ 645465 എന്ന ടിക്കറ്റിന്. തൃപ്പൂണിത്തുറയില്‍ വിറ്റ ടിക്കറ്റിനാണ് ഒന്നാം സമ്മാനം ലഭിച്ചത്. ഫലപ്രഖ്യാപനം കഴിഞ്ഞെങ്കിലും ഭാഗ്യശാലിയെ കണ്ടെത്താനായിട്ടില്ല.
മുരുകേശ് തേവര്‍ എന്ന ഏജന്‍റ് തൃപ്പൂണിത്തുറയില്‍ വിറ്റ ടിക്കറ്റിനാണ് സമ്മാനം. രണ്ടാം സമ്മാനം ടിഎ 945778, ടിബി 265947, ടിസി 537460, ടിഡി 642007 എന്നീ ടിക്കറ്റുകള്‍ക്കാണ്. ഒരു കോടി വീതമാണ് രണ്ടാം സമ്മാനങ്ങള്‍.
ഒന്നാം സമ്മാനം ലഭിച്ച വ്യക്തിക്ക് നികുതി ഒഴിവാക്കിയാല്‍ 7.39 കോടി രൂപ കയ്യില്‍ കിട്ടു. കഴിഞ്ഞ ഓണത്തിന് 44 ലക്ഷം ടിക്കറ്റുകളാണ് വിറ്റതെങ്കില്‍ ഇക്കുറി അച്ചടിച്ച 54 ലക്ഷം ടിക്കറ്റുകളും വിറ്റു. ഇതുവഴി സര്‍ക്കാരിന് 126 കോടി വരുമാനമുണ്ടായി.
