കോഴിക്കോട്: നാദാപുരത്ത് കാറില് കടത്തുകയായിരുന്ന ഒന്നര കിലോ കഞ്ചാവുമായി പശ്ചിമ ബംഗാള് സ്വദേശികളടക്കം മൂന്ന് യുവാക്കള് പിടിയില്.
കുമ്മങ്കോട് പുളിക്കൂല് വട്ടകണ്ടി വീട്ടില് അഷ്റഫ് (39), പശ്ചിമ ബംഗാള് സ്വദേശികളായ ജിയാറുദ്ദീന് (24), മുത്തലിബ് (23) എന്നിവരാണ് ചേലക്കാട് നടത്തിയ വാഹന പരിശോധനയില് എക്സൈസ് സംഘത്തിന്റെ പിടിയിലായത്. കെഎല് 18 വി 7796 നമ്പര് മാരുതി ആള്ട്ടോ കാറിലാണ് പ്രതികള് കഞ്ചാവ് കടത്തിയത്. കാറും കസ്റ്റഡിയിലെടുത്തു.
വടകര എക്സൈസ് സര്ക്കിള് ഇന്സ്പെക്ടര് മുഹമ്മദ് അന്സാരിയുടെ നേതൃത്വത്തിലായിരുന്നു നടപടി. പ്രതികളെ ഇന്ന് കോടതിയില് ഹാജരാക്കും.
