തിരുവനന്തപുരം: ലൈംഗികാതിക്രമ പരാതിയില് ഉള്പ്പെട്ട മുന് ഷൊര്ണ്ണൂര് എംഎല്എയെ കെടിഡിസി ചെയര്മാനായി നിയമിച്ചു. പി.കെ. ശശിയെ കോര്പറേഷന് ബോര്ഡ് അംഗമായും ചെയര്മാനായും നിയമിച്ചുകൊണ്ട് അഡീഷനല് ചീഫ് സെക്രട്ടറി വി. വേണുവാണ് ഉത്തരവിറക്കിയത്. എം. വിജയകുമാര് രാജിവെച്ച ഒഴിവിലേക്കാണ് പി.കെ. ശശിയുടെ നിയമനം.
ഡി.വൈ.എഫ്.ഐ വനിത നേതാവ് നല്കിയ ലൈംഗികാതിക്രമ പരാതിയില് പി.കെ.ശശിയെ പാര്ട്ടിയില്നിന്ന് നേരത്തെ സസ്പെന്ഡ് ചെയ്തിരുന്നു. പിന്നീട് 2 വര്ഷത്തിനുശേഷം പാലക്കാട് ജില്ലാ സെക്രട്ടേറിയറ്റിലേക്കു തിരിച്ചെടുത്തു.
തീവ്രത കുറഞ്ഞ പീഡനമാണ് നടന്നതെന്നും ശശിക്കെതിരെ നടപടി വേണമെന്നും പരാതി അന്വേഷിച്ച എ.കെ. ബാലന് – പി.കെ. ശ്രീമതി കമ്മിഷന് കണ്ടെത്തിയിരുന്നു. ലൈംഗിക ആരോപണ വിധേയനായ ശശിക്ക് ഇക്കുറി സി.പി.എം നിയമസഭ സീറ്റ് നല്കിയിരുന്നില്ല.
