ബോക്‌സ് ഓഫീസില്‍ സൂപ്പര്‍ ഹിറ്റായ കെജിഎഫ് സിനിമയുടെ രണ്ടാം പതിപ്പിന്റെ സാറ്റലൈറ്റ് അവകാശം സ്വന്തമാക്കി സീ ഗ്രൂപ്പ്. കേരളം, കന്നഡ, തമിഴ്, തെലുഗു ഉള്‍പ്പെടുന്ന സീയുടെ സൗത്ത് ക്ലസ്റ്ററാണ് കെജിഎഫ് ചാപ്റ്റര്‍-2വിന്റെ സാറ്റലൈറ്റ് സ്വന്തമാക്കിയിരിക്കുന്നത്.
കന്നഡ താരം യാഷ് നായകനായി എത്തിയ കെ.ജി.എഫ് റിലീസ് ചെയ്ത് ഒരാഴ്ചക്കുള്ളില്‍ തന്നെ 100 കോടി രൂപ ക്ലബില്‍ എത്തിയിരുന്നു. ഏറ്റവും കൂടുതല്‍ കളക്ഷന്‍ നേടിയ കന്നഡ ചിത്രവും കെജിഎഫാണ്. പ്രശാന്ത് നീല്‍ സംവിധാനം ചെയ്ത സിനിമ ഹൊംബാലെ ഫിലിംസ് ആണ് നിര്‍മിച്ചിരിക്കുന്നത്.
ഈ ആക്ഷന്‍ ബ്ലോക്ക്ബസ്റ്ററിന്റെ രണ്ടാം ഭാഗമായി വരുന്ന കെ.ജി.എഫ് ചാപ്റ്റര്‍ 2 ഇതിനകം തന്നെ സമൂഹമാധ്യമങ്ങളില്‍ വന്‍ ഹിറ്റാണ്. ചിത്രത്തിന്റെ ടീസര്‍ ട്വിറ്ററിലും യൂട്യൂബിലും ട്രെന്‍ഡിങ്ങില്‍ ഒന്നാമതെത്തിയതിന് പുറമെ 208 മില്യണിലധികം പേര്‍ കാണുകയും ചെയ്തു.
പ്രതികരിക്കാൻ ഇവിടെ എഴുതുക: