ശ്രീനഗര്‍: കാര്‍ഗില്‍ യുദ്ധ വിജയ ദിനത്തില്‍ രാജ്യത്തിനായി വീരമൃത്യുവരിച്ച സൈനികര്‍ക്ക് ആദരാഞ്ജലികള്‍ അര്‍പ്പിച്ച് രാഷ്ട്രപതി രാംനാഥ് കോവിന്ദ്. കശ്മീരിലെ ബാരാമുള്ള, ഡാഗര്‍ യുദ്ധ സ്മാരകത്തിലെത്തിയാണ് രാഷ്ട്രപതി പുഷ്പ ചക്രം അര്‍പ്പിച്ചത്.
19-ാം കാലാള്‍പ്പട ഡിവിഷനിലെ സൈനികരേയും ഉദ്യോഗസ്ഥരേയും രാജ്യം അഭിവാദ്യം ചെയ്യുന്നു. നമ്മുടെ രാജ്യത്തിന്റെ സുരക്ഷയ്‌ക്കും സുരക്ഷയ്‌ക്കും വേണ്ടി ജീവന്‍ വെച്ച ധീരരായ പോരാളികളോട് അഗാധമായ ആദരവ് പ്രകടിപ്പിക്കുന്നു. ഈ സ്മാരകം ഇന്ത്യന്‍ ജനതയെ സൈന്യത്തിന്റെ മൂല്യങ്ങളെക്കുറിച്ച് പഠിപ്പിക്കുകയും അവര്‍ക്ക് പ്രചോദനം നല്‍കുമെന്നും ഡാഗര്‍ യുദ്ധ സ്മാരകം സന്ദര്‍ശിച്ച ശേഷം രാഷ്ട്രപതി കുറിച്ചു.
സൈനികരുടെ ത്യാഗവും ധീരത നാം സ്മരിക്കുന്നതായി പ്രധാനമന്ത്രി നരേന്ദ്രമോദി പറഞ്ഞു. കാര്‍ഗില്‍ വിജയദിനത്തില്‍ രാജ്യത്തെ സംരക്ഷിക്കാനായി ജീവത്യാഗം ചെയ്‌വര്‍ക്ക് ആദരാഞ്ജലികള്‍ അര്‍പ്പിക്കുന്നു. അവരുടെ ധീരത എല്ലായിപ്പോഴും നമുക്ക് പ്രചോദനം നല്‍കുന്നുവെന്നും മോദി ട്വീറ്റ് ചെയ്തു.
പ്രതിരോധ മന്ത്രി രാജ്‌നാഥ് സിംഗ് പ്രതിരോധ സഹമന്ത്രി അജയ് ദത്ത് എന്നിവര്‍ ദല്‍ഹിയിലെ ദേശീയ യുദ്ധ സ്മാരകത്തിലെത്തി കാര്‍ഗില്‍ യുദ്ധവീരന്മാര്‍ക്ക് ആദരാഞ്ജലി അര്‍പ്പിച്ചു. കരസേനാ മേധാവി ജനറല്‍ എംഎം നരവനെ, വ്യോമസേന മേധാവി എയര്‍ ചീഫ് മാര്‍ഷല്‍ ബദൗര്യ, നാവിക സേനാ ഉപമേധാവി വൈസ് അഡ്മിറല്‍ ജി അശോകുമാര്‍ എന്നിവരും യുദ്ധ സമാരകത്തിലെത്തി പുഷ്പ ചക്രം അര്‍പ്പിച്ചു.
