തിരുവനന്തപുരം: സ്ത്രീധനത്തിനെതിരേ ശക്തമായ ക്യാംപെയിന് സര്വ്വകലാശാലകള് ആരംഭിക്കണമെന്ന് നിര്ദേശിച്ച് ഗവര്ണര് ആരിഫ് മുഹമ്മദ് ഖാന്. പ്രവേശന സമയത്ത് കുട്ടികളും രക്ഷിതാക്കളും സ്ത്രീധനത്തിനെതിരായ സത്യപ്രസ്താവനയില് ഒപ്പുവയ്ക്കണമെന്നും സ്ത്രീധന സമ്പ്രദായം ഇല്ലാതാക്കാന് വിദ്യാര്ത്ഥികളെ ബോധവത്കരിക്കണമെന്നും ഗവര്ണര് ആവശ്യപ്പെട്ടു. എറണാകുളം ഗസ്റ്റ് ഹൗസില് വൈസ് ചാന്സിലര്മാരുമായി നടന്ന കൂടിക്കാഴ്ച്ചയ്ക്ക് ശേഷം മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
വിദ്യാര്ത്ഥികള് അഡ്മിഷന് എടുക്കുന്ന സമയത്ത് തന്നെ വിവാഹം കഴിക്കുമ്പോള് സ്ത്രീധനം വാങ്ങില്ലെന്ന സത്യപ്രസ്താവനയില് ഒപ്പിടണമെന്ന വ്യവസ്ഥ കൊണ്ടുവരണമെന്ന് ഗവര്ണര് ആവശ്യപ്പെട്ടു. സ്ത്രീധനം ഇല്ലാതാക്കുക എന്നത് സ്ത്രീകളുടെ മാത്രം പ്രശ്നമല്ല. എല്ലാ മനുഷ്യരുടേയും ആവശ്യമാണ്. മാദ്ധ്യമങ്ങള് അടക്കമുള്ളവരുടെ സഹകരണമുണ്ടെങ്കില് ഇത് വിജയിക്കുമെന്നും ഗവര്ണര് വ്യക്തമാക്കി.
കേരളത്തിന്റെ സാമ്പത്തികവും സാസ്കാരികവുമായ മണ്ഡലത്തില് സ്ത്രീകള് വലിയ സംഭാവനയാണ് നല്കുന്നത്. കേരളത്തിന്റെ സാമൂഹ്യവും സാമ്പത്തികവും സംസ്കാരികവുമായ മണ്ഡലത്തില് സ്ത്രീകള് വലിയ സംഭാവനയാണ് നല്കുന്നത്. മനുഷ്യരുടെയും ആവശ്യമാണ്. നമ്മുടെ സമൂഹത്തിനായി നമ്മള് ചെയ്യേണ്ട കര്ത്തവ്യമാണ്. വിവാഹ സമയത്ത് നിര്ബന്ധിച്ചുള്ള സ്ത്രീധനം പാടില്ല. എന്ത് നല്കിയാലും അത് വധുവും പിതാവും തമ്മിലുള്ള കൊടുക്കല് വാങ്ങലായിരിക്കണം. അതില് വരനോ വരന്റെ കുടുംബത്തിനോ ഒരു പങ്കുമില്ലെന്നും അദ്ദേഹം പറഞ്ഞു. സ്ത്രീധനവുമായി ബന്ധപ്പെട്ട പ്രശ്നങ്ങളുടെ പേരില് നടക്കുന്ന പീഡനങ്ങളും ആത്മഹത്യകളും തുടര്ക്കഥയായ സന്ദര്ഭത്തില് കഴിഞ്ഞ ദിവസം ഗവര്ണര് ഇതിനെതിരേ ഉപവാസം നടത്തിയിരുന്നു.
