തിരുവനന്തപുരം: ഇസ്ലാമിക മത പ്രഭാഷകന്റെ കടുത്ത സ്ത്രീവിരുദ്ധ പ്രസംഗം പുറത്ത്. രാത്രി ഒന്പത് കഴിഞ്ഞ് വീടിന് വെളിയില് ഇറങ്ങുന്ന യുവതികളെല്ലാം വേശ്യകളാണെന്നാണ് ഇസ്ലാമിക മത പ്രഭാഷകനായ സ്വാലിഹ് ബത്തേരി പറയുന്നത്. ഇയാളെ കണ്ടാല് ചെറിയ കുട്ടിയെന്ന് തോന്നുമെങ്കില് 27 വയസുള്ള ഒരു യുവാവ് ഇദേഹം.
കഴിഞ്ഞ ദിവസമാണ് സ്വാലിഹിത്തിന്റെ ഒരു വിവാദ പ്രസംഗം പുറത്തുവന്നത്. കേരളത്തെ ഞെട്ടിച്ച സൗമ്യവധക്കേസിലെ പ്രതിയായ ഗോവിന്ദച്ചാമിയെ വെള്ളപൂശിയാണ് ഇദേഹം സ്ത്രീവിരുദ്ധ പ്രസംഗം നടത്തിയത്. കേസിന്റെ വാദംകേട്ട ജഡ്ജിക്കെതിരെയും കോടതിക്കെതിരെയും ഇയാള് പ്രസംഗത്തില് വ്യാജപ്രചരണം നടത്തുന്നുണ്ട്. സൗമ്യവധക്കേസിലെ വാദം കേള്ക്കുന്നതിനിടെ കോടതിമുറിയില് നടന്ന സംഭവങ്ങളെന്ന് പറഞ്ഞ് കേരളത്തിലെ സ്ത്രീകളെയെല്ലാം അടച്ച്ആക്ഷേപിക്കുകയാണ് ഈ മതപ്രഭാഷകന് ചെയ്തിരിക്കുന്നത്.
സൗമ്യവധക്കേസിലെ പ്രതിയായ ഗോവിന്ദച്ചാമിയോട് ഈ കൃത്യം ചെയ്യാനുണ്ടായ കാരണം എന്തെന്ന് ജഡ്ജ് ചോദിച്ചു?, ഇതിന് മറുപടിയായി രാത്രി ഒന്പത് കഴിഞ്ഞ് വീടിന് വെളിയില് ഇറങ്ങുന്നതെല്ലാം വേശ്യാ സ്ത്രീകളാണെന്നും അവര് മറ്റുള്ളവരെ ആനന്ദിപ്പിക്കാന്, സുഖിപ്പിക്കാന് ഇറങ്ങുന്നവരാണ്. അതുകൊണ്ടാണ് താന് അവരെ സമീപിച്ചത്. എന്നാല്, അവര് എന്നെ ധിക്കരിക്കുകയാണ് ഉണ്ടായത്. അതിനാലാണ് കൊലനടത്തിയതെന്നു ഗോവിന്ദച്ചാമി കോടതിയില് പറഞ്ഞുവെന്നാണ് ഇയാള് പ്രസംഗത്തില് പറഞ്ഞത്. രാത്രി ഒന്പത് കഴിഞ്ഞ് വെളിയില് ഇറങ്ങുന്ന സ്ത്രീകളെല്ലാം വേശ്യകളാണെന്ന ചാപ്പയടിയാണ് ഇയാള് നടത്തിയതെന്ന് രൂക്ഷവിമര്ശനം ഉയര്ന്നിട്ടുണ്ട്. വയനാട് സ്വദേശിയായ ഇയാള്ക്കെതിരെ വന് പ്രതിഷേധമാണ് സോഷ്യല് മീഡിയയില് ഉയരുന്നത്.
