അമിത് ചക്കാലക്കല്‍ നായകനാകുന്ന ‘പാസ്‌പോര്‍ട്ട്’ എന്ന സിനിമയുടെ ടൈറ്റില്‍ ലുക്ക് പോസ്റ്റര്‍ റിലീസായി. മലയാളത്തിലെ പ്രമുഖ താരങ്ങളുടെ സോഷ്യല്‍ മീഡിയ പേജുകളിലൂടെയാണ് പോസ്റ്റര്‍ റിലീസ് ചെയ്തത്. ഗുഡ് ഡേ മൂവീസിന്റെ ബാനറില്‍ എ.എം. ശ്രീലാല്‍ പ്രകാശന്‍ നിര്‍മ്മിക്കുന്ന ചിത്രം സംവിധാനം ചെയ്യുന്നത് അസിം കോട്ടൂര്‍ ആണ്.
ഒരു സംഭവകഥയെ ആസ്പദമാക്കി കെ.പി. ശാന്തകുമാരി എഴുതിയ കഥയ്‌ക്ക് അസിം കോട്ടൂരും എ.എം. ശ്രീലാല്‍ പ്രകാശനും ചേര്‍ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. മലയാളത്തിലെ പ്രശസ്ത താരങ്ങള്‍ക്കൊപ്പം പുതുമുഖങ്ങളും മുഖ്യ വേഷത്തിലെത്തുന്ന ചിത്രം ഒരു ഫാമിലി ഇമോഷണല്‍ ത്രില്ലറാണ്. എറണാകുളവും തൊടുപുഴയുമാണ് പ്രധാന ലൊക്കേഷനുകള്‍.
സിനിമയുടെ ായാഗ്രഹണം ബിനു കുര്യന്‍, എഡിറ്റിംഗ് വി.ടി. ശ്രീജിത്ത്, ഗാനരചന വിനായക് ശശികുമാര്‍ , ബി.കെ. ഹരിനാരായണന്‍ , സംഗീതം സെജോ ജോണ്‍ , പ്രൊഡക്ഷന്‍ കണ്‍ട്രോളര്‍ ബിജു കെ. തോമസ്, കല അജി കുറ്റിയാനി, കോസ്റ്റ്യൂം സമീറ സനീഷ്, ചമയം അമല്‍ ചന്ദ്രന്‍, ചീഫ് അസ്സോസിയേറ്റ് ഡയറക്ടര്‍ ആംബ്രോ വര്‍ഗ്ഗീസ്, വി.എഫ്.എക്‌സ് ബിനീഷ് രാജ്, പ്രൊഡക്ഷന്‍ എക്‌സിക്യൂട്ടീവ് വിനോദ് ശേഖര്‍, പ്രോജക്ട് കോ ഓര്‍ഡിനേറ്റേഴ്‌സ് ഷമീം സുലൈമാന്‍, അജ്മല്‍ റോഷന്‍, ഡിസൈന്‍സ് മനു ഡാവിഞ്ചി, സ്റ്റില്‍സ് ഷിജിന്‍ പി രാജ്, പിആര്‍ഓ അജയ് തുണ്ടത്തില്‍, എം കെ ഷെജിന്‍ ആലപ്പുഴ എന്നിവരാണ് മറ്റ് അണിയറ പ്രവര്‍ത്തകര്‍. സിനിമയുടെ ചിത്രീകരണം ഉടന്‍ ആരംഭിക്കും.
