കോഴിക്കോട് : അനധികൃത സ്വത്ത് സമ്പാദനക്കേസില് മുസ്ലിം ലീഗ് നേതാവും മുന് എംഎല്എയും ആയ കെ.എം. ഷാജിയെ വിജിലന്സ് ചോദ്യം ചെയ്യുന്നു. കോഴിക്കോട് വിജിലന്സ് ഓഫീസില് വച്ചാണ് ചോദ്യം ചെയ്യുന്നത്. അനധികൃത സ്വത്ത് സമ്പാദന കേസിലാണ് ചോദ്യം ചെയ്യല്.
വിജിലന്സ് നിര്ദ്ദേശത്തെ തുടര്ന്ന് പൊതുമരാമത്ത് വകുപ്പ് കെ എം ഷാജിയുടെ വീട് അളന്നിരുന്നു. ഇതില് ക്രമക്കേട് കണ്ടെത്തിയതിനെ തുടര്ന്നാണ് വിജിലന്സ് ഷാജിയെ ചോദ്യം ചെയ്യലിന് വിളിപ്പിച്ചത്. കഴിഞ്ഞ തവണ ചോദ്യം ചെയ്യലില് ഷാജിയുടെ വീട്ടില് നിന്ന് ലഭിച്ച പണമിടപാടുമായി ബന്ധപ്പെട്ട ചില കൗണ്ടര്ഫോയിലുകളിലും പൊരുത്തക്കേട് ഉണ്ട് എന്നാണ് വിവരം. ഇക്കാര്യവും അന്വേഷിക്കും.
അഴിക്കോട്ടെ സ്കൂളിന് പ്ലസ് ടി അനുവദിക്കാന് മാനേജ്മെന്റില് നിന്നും 25 ലക്ഷം രൂപ കൈപ്പറ്റിയെന്നായിരുന്നു കെ.എം. ഷാജിക്കെതിരായ ആദ്യ ആരോപണം. ഇതിന് പിന്നാലെയാണ് അധികൃത സ്വത്ത് സമ്പാദനക്കേസടക്കമുള്ളവ ഉയര്ന്നുവന്നത്. ഇതുമായി ബന്ധപ്പെട്ട് കെ.എം. ഷാജിയുടെ ഭാര്യയേയും ചോദ്യം ചെയ്തിരുന്നു.
