മുംബൈ: സാമ്പത്തിക ബാധ്യതയെ തുടര്ന്ന് പ്രവര്ത്തനം അവസാനിപ്പിച്ച ജെറ്റ് എയര്വെയ്സിനെ ഏറ്റെടുക്കാനുള്ള പദ്ധതിക്ക് അംഗീകാരം. യുകെയില്നിന്നുള്ള കാള്റോക് ക്യാപിറ്റലും യുഎഇയിലെ സംരംഭകരായ മുരാരി ലാല് ജലാനും മുന്നോട്ടുവച്ച പദ്ധതിക്കാണ് ദേശീയ കമ്പനി ട്രിബ്യൂണല് അനുമതി നല്കിയത്. ഇതിനായി കമ്പനികള് 1375 കോടി രൂപ മുതല് മുടക്കും. ആദ്യഘട്ടത്തില് 30 വിമാന സര്വീസുകളുണ്ടാകും.
ട്രിബ്യൂണലിന്റെ അംഗീകാരം ലഭിച്ച് ആറുമാസത്തിനുള്ളില് പ്രവര്ത്തനം ആരംഭിക്കാനാണ് പദ്ധതി. 2020 ഒക്ടോബറിലാണ് ജെറ്റ് എയര്വെയ്സിനെ ഏറ്റെടുക്കാന് എസ്ബിഐയുടെ നേടതൃത്വത്തിലുള്ള കണ്സോര്ഷ്യം പച്ചക്കൊടി കാട്ടിയത്. എയര്ലൈന് ബിസിനസില് മുന്പരിചയമില്ലാത്ത ഗ്രൂപ്പുകളാണ് കാള്റോക്ക് ക്യാപിറ്റലും മുറാരി ലാല് ജലാനും.
ഒരു ഘട്ടത്തില് 124 വിമാനങ്ങളുമായി രാജ്യത്തെ രണ്ടാമത്തെ വലിയ കമ്പനിയായി വളര്ന്ന ജെറ്റ് എയര്വെയ്സ്, പിന്നീട് സാമ്പത്തിക പ്രതിസന്ധിയിലായി 2019 ഏപ്രില് 17നാണ് പ്രവര്ത്തനം അവസാനിപ്പിച്ചത്. നരേഷ് ഗോയലാണ് 1993-ല് ജെറ്റ് എയര്വെയ്സ് സ്ഥാപിച്ചത്.
