തിരുവനന്തപുരം: സംസ്ഥാനത്തിന് 9,85,490 ഡോസ് വാക്സിന് കൂടി ലഭ്യമായതായി ആരോഗ്യ മന്ത്രി വീണാ ജോര്ജ് അറിയിച്ചു. സംസ്ഥാനം വാങ്ങിയ 1,32,340 ഡോസ് കൊവിഷീല്ഡ് വാക്സിനും കേന്ദ്രം അനുവദിച്ച ആറ് ലക്ഷം കൊവിഷീല്ഡ് വാക്സിനുമാണ് ലഭിച്ചത്. ഇതോടെ 97,90,330 ഡോസ് കൊവിഷീല്ഡ് വാക്സിനും 10,42,150 ഡോസ് കൊവാക്സിനും ഉള്പ്പെടെ 1,08,32,480 ഡോസ് വാക്സിന് കേന്ദ്രം നല്കി.
തിരുവനന്തപുരം, കൊല്ലം, കോഴിക്കോട് എന്നിവിടങ്ങളില് ഇന്നലെയാണ് ആറ് ലക്ഷം ഡോസ് എത്തിച്ചത്. നേരത്തെ കെഎംഎസ്സിഎല് മുഖേന ഓര്ഡര് നല്കിയ സംസ്ഥാനത്തിന്റെ വാക്സിന് എറണാകുളത്താണ് എത്തിയത്. ഇതുകൂടാതെ 97,500 ഡോസ് കൊവാക്സിനും 1,55,650 കൊവിഷീല്ഡ് വാക്സിനും ഇന്ന് രാത്രിയോടെ തിരുവനന്തപുരത്തെത്തുമെന്നും മന്ത്രി പറഞ്ഞു.
സംസ്ഥാനത്തിനാകെ 1,21,75,020 ഡോസ് വാക്സിനാണ് ലഭ്യമായത്. അതില് 12,04,960 ഡോസ് കൊവിഷീല്ഡ് വാക്സിനും 1,37,580 ഡോസ് കൊവാക്സിനും ഉള്പ്പെടെ ആകെ 13,42,540 ഡോസാണ് സംസ്ഥാനം വാങ്ങിയത്.
ജന്മഭൂമി ഓണ്ലൈന്