പാലക്കാട്: ജില്ലാ ബിജെപി നേതൃത്വം തെരഞ്ഞെടുപ്പ് ഫണ്ട് തട്ടിയെടുക്കാന്‍ ശ്രമിച്ചെന്ന വാര്‍ത്ത പ്രസിദ്ധീകരിച്ച കൈരളി ടിവി മെയ് നാലിന് തിരുത്തല്‍ കൊടുത്തെന്ന അവകാശവാദവുമായി രംഗത്ത്. തെരഞ്ഞെടുപ്പ് ഫണ്ട് തട്ടാന്‍ ജില്ലാ നേതൃത്വം ശ്രമിച്ചെന്ന വ്യാജവാര്‍ത്ത സംപ്രേഷണം ചെയ്തതിനെതിരെ ബിജെപി കൈരളി ടിവിക്കെതിരെ നോട്ടീസ് നല്‍കിയിരുന്നു.
ബിജെപി ജില്ലാ അധ്യക്ഷന്‍ അഡ്വ. ഇ. കൃഷ്ണദാസ് നല്‍കിയ വക്കീല്‍ നോട്ടീസിന് തിരുത്തല്‍ കൊടുത്തൂവെന്നുള്ള മറുപടിയാണ് കെരളി ടിവി എംഡി ജോണ്‍ ബ്രിട്ടാസ് നല്‍കിയത്. നിയമനടപടി സ്വീകരിക്കാതിരിക്കാന്‍ കാരണമുണ്ടെങ്കില്‍ അറിയിക്കണമെന്നാണ് ബിജെപി ആവശ്യപ്പെട്ടിരിക്കുന്നത്. തിരുത്തല്‍ വാര്‍ത്ത കാടുത്തെന്ന് സമ്മതിച്ചതോടെ ഇവര്‍ സംപ്രേഷണം ചെയ്തത് വ്യാജവാര്‍ത്തയാണെന്ന് സമ്മതിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: