തിരുവനന്തപുരം: പുതിയ പോലീസ് മേധാവിയെ തെരഞ്ഞെടുക്കാനുള്ള പട്ടിക തയ്യാറാക്കി സംസ്ഥാന സര്‍ക്കാര്‍. 12 പേരടങ്ങിയ പട്ടികയാണ് അന്തിമമായി തയ്യാറാക്കിയിരിക്കുന്നത്. ടോമിന്‍ ജെ തച്ചങ്കരിക്കാണ് പട്ടികയില്‍ ആദ്യ സ്ഥാനം.
എന്നാല്‍ കേരളത്തിലേയ്ക്ക് പോകാന്‍ താല്‍പ്രയമില്ലെന്ന് വ്യക്തമാക്കി രണ്ട് ഉദ്യോഗസ്ഥര്‍ കേന്ദ്രത്തിന് കത്തു നല്‍കി. റവദ ചന്ദ്രശേഖര്‍, ഹരിനാഥ് മിശ്ര എന്നിവരാണ് കേരളത്തിലേക്കില്ലെന്ന് നിലപാട് വ്യക്തമാക്കിയത്.
അരുണ്‍ കുമാര്‍ സിന്‍ഹ, സുധേഷ് കുമാര്‍, ബി സന്ധ്യ, അനില്‍ കാന്ത്, നിധിന്‍ അഗര്‍വാള്‍, ആനന്ത ക്യഷ്ണന്‍, കെ പത്മകുമാര്‍, ഷെയ്‌ക്ക് ദര്‍വേ സ് സാഹിബ്, സഞ്ചിവ് കുമാര്‍ പട് ജോഷി എന്നിവരാണ് പട്ടികയിലുള്ള മറ്റുള്ളവര്‍. നിലവിലെ പൊലീസ് മേധാവി ലോക്നാഥ് ബെഹറ ജൂലൈ മുപ്പതിന് വിരമിക്കുന്ന സാഹചര്യത്തിലാണ് ചര്‍ച്ചകള്‍ സജീവമായിരിക്കുന്നത്.
