ഭോപ്പാല്‍: കൊറോണ മാറുമെന്ന കൂട്ടുകാരുടെ ഉപദേശത്തില്‍ വിശ്വസിച്ച് മണ്ണെണ്ണ കുടിച്ച യുവാവിന് ദാരുണാന്ത്യം. ഭോപ്പാലിലാണ് സംഭവം. തയ്യല്‍ക്കാരനായ മഹേന്ദ്രയാണ് മരിച്ചത്. കൊറോണ ബാധിച്ചെന്ന ഭയത്താലാണ് ഇയാൾ കൂട്ടുകാരുടെ ഉപദേശം തേടിയത്.
എന്നാല്‍ പിന്നീട് നടത്തിയ പരിശോധനയില്‍ കൊറോണ ഇല്ലെന്ന് കണ്ടെത്തുകയായിരുന്നു. ഭോപ്പാലിലാണ് സംഭവം.ഏതാനും ദിവസങ്ങളായി പനി ബാധിച്ചതിനെ തുടര്‍ന്ന് തനിക്ക് കൊറോണയാണോ എന്ന ഭയത്തിലായിരുന്നു മഹേന്ദ്ര. തുടര്‍ന്ന് സുഹൃത്തുക്കളുടെ ഉപദേശം തേടുകയായിരുന്നു. കൂട്ടുകാരുടെ വാക്ക് കേട്ടാണ് മണ്ണെണ്ണ കുടിച്ചത്.
മണ്ണെണ്ണ കുടിച്ചതോടെ യുവാവിന്റെ നില അതീവഗുരുതരമാവുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും ആരോഗ്യനില വഷളായി. മഹേന്ദ്ര മരുന്നുകളോട് പ്രതികരിക്കാതാവുകയും ചെയ്തു. തുടര്‍ന്ന് നടത്തിയ പരിശോധനയിലാണ് കൊറോണ ഇല്ലെന്ന് കണ്ടെത്തിയത്. യുവാവിന്റെ സുഹൃത്തുക്കള്‍ക്കെതിരെ പോലീസ് കേസെടുത്തു.
