ന്യൂദല്ഹി: മുന് അറ്റോര്ണി ജനറലും മുതിര്ന്ന അഭിഭാഷകനുമായ സോളി സൊറാബ്ജി അന്തരിച്ചു. 91 വയസായിരുന്നു. കോവിഡ് ബാധിച്ച് ഡല്ഹിയിലെ സ്വകാര്യ ആശുപത്രിയില് ചികിത്സയില് കഴിയവെയാണ് അന്ത്യം.
1989-1990, 1998-2004 കാലഘട്ടത്തില് അറ്റോര്ണി ജനറലായി അദ്ദേഹം സേവനം അനുഷ്ഠിച്ചിട്ടുണ്ട്. 1953 ല് ബോംബെ ഹൈക്കോടതിയില് അഭിഭാഷകനായാണ് സോളി സൊറാബ്ജി പ്രാക്ടീസ് ആരംഭിച്ചത്. 2002 ല് രാജ്യം അദ്ദേഹത്തെ പത്മവിഭൂഷന് നല്കി ആദരിച്ചിരുന്നു.
1930 ല് ബോംബെയില് ജനിച്ച അദ്ദേഹം സെന്റ് സേവ്യേഴ്സ് കോളേജിലും മുംബൈ ലോ കോളേജിലുമായാണ് പഠനം പൂര്ത്തിയാക്കിയത്. 1998 മുതല് 2004 വരെ യുഎന് സബ് കമ്മീഷനില് അദ്ദേഹം ചെയര്മാനായിരുന്നു.
