കരിപ്പൂര്: കോഴിക്കോട് അന്താരാഷ്ട്ര വിമാനത്താവളത്തില് നിന്ന് കുവൈത്തിലേക്ക് പുറപ്പെട്ട വിമാനം അടിയന്തരമായി തിരിച്ചിറക്കി. എയര് ഇന്ത്യ എക്സ്പ്രസന്റെ കുവൈത്തിലേക്കുള്ള വിമാനമാണ് തിരിച്ചിറക്കിയത്. ഇതിലുണ്ടായിരുന്ന 17 യാത്രക്കാരും 6 ജീവനക്കാരും സുരക്ഷിതരാണെന്ന് അധികൃതർ അറിയിച്ചു.
വെള്ളിയാഴ്ച രാവിലെ രാവിലെ 8.37ന് പുറപ്പെട്ട വിമാനം 9.11നാണ് തിരിച്ചിറക്കിയത്. . ടേക്ക് ഓഫ് ചെയ്തയുടന് അപായ സിഗ്നല് ലഭിച്ചതിനെ തുടര്ന്ന് വിമാനം ഇറക്കിയതെന്ന് അധികൃതര് പറഞ്ഞു. എന്നാല്, കാരണം വ്യക്തമാക്കിയിട്ടില്ല.
പരിശോധനയ്ക്ക് ശേഷം മറ്റ് പ്രശ്നങ്ങളൊന്നുമില്ലെങ്കില് യാത്ര തുടരുമെന്നും അധികൃതര് അറിയിച്ചു. സാങ്കേതിക തകരാറുകള് പരിഹരിച്ചതിന് ശേഷമായിരിക്കും വിമാനം പുറപ്പെടുക.
