തൃശൂര്: നിയമസഭാ തെരഞ്ഞെടുപ്പില് എന്ഡിഎ സ്ഥാനാര്ഥികളുടെ വിജയത്തിനായി പൂര്ണ്ണ മനസ്സോടെ പ്രവര്ത്തിക്കാന് എല്ലാ സമുദായ സ്നേഹികളും തയ്യാറാകണമെന്ന് വിശ്വകര്മ്മ സര്വ്വീസ് സൊസൈറ്റി രാഷ്ട്രീയ കാര്യസമിതി തൃശൂര് ജില്ലാ കമ്മറ്റി ആവശ്യപ്പെട്ടു.
വിശ്വകര്മ്മ സമുദായത്തോടുള്ള ഇടത്-വലത് മുന്നണികളുടെ നിലപാട് നാളിതുവരെ വഞ്ചനാപരമാണെന്ന് സമിതി ചെയര്മാന് സത്യന് പടിഞ്ഞാറൂട്ട്, കോര്ഡിനേറ്റര് വി.ആര് മുരളി, വൈസ് ചെയര്മാന് ടി.കെ. ഗംഗാധരന്, ജോ. കണ്വീനര്മാരായ അഖില് പി.സത്യന്, കെ.ആര്. രാധാകൃഷ്ണന് എന്നിവര് പ്രസ്താവനയില് പറഞ്ഞു.
വിഎസ്എസ് ഉന്നയിച്ച ആവശ്യങ്ങളോട് അനുഭാവ പൂര്ണ്ണമായ നിലപാടാണ് ബിജെപി നേതത്വം സ്വീകരിച്ചത്. സംസ്ഥാനത്ത് ഏറ്റവും കൂടുതല് അവഗണിക്കപ്പെട്ട ജനവിഭാഗമാണ് വിശ്വകര്മ്മജര്. കേരളം മാറി മാറി ഭരിച്ച ഇടത്-വലത് മുന്നണികള് വിശ്വകര്മ്മജരെ അംഗീകരിക്കാനോ ന്യായമായ ആവശ്യങ്ങള് അനുവദിക്കാനോ തയ്യാറായിട്ടില്ലെന്നും നേതാക്കള് ആരോപിച്ചു.
