ഇരിങ്ങാലക്കുട: ഗായകന് പ്രദീപ് ഇരിങ്ങാലക്കുടയുടെ കുടുംബത്തിന് കൈത്താങ്ങായി സേവാഭാരതി. പ്രദീപിന്റെ അകാല മരണത്തോടെ അനാഥമായ കുടുംബത്തിന് സേവാഭാരതി വീടും സ്ഥലവും നല്കി. നിര്ദ്ധനരായ ഭൂരഹിതര്ക്ക് നല്കുന്നതിനായി പൊറത്തിശ്ശേരി സുന്ദരന് സേവാഭാരതിയ്ക്ക് നല്കിയ ഭൂമിയില് നിന്നും 3 സെന്റ് സ്ഥലത്താണ് വീട് നിര്മ്മിച്ചിരിക്കുന്നത്.
വീടിന്റെ താക്കോല്ദാനം മംഗലാപുരം എംഎല്എ വേദപ്രകാശ് കമ്മത്ത് നിര്വഹിച്ചു. ആര്എസ്എസ് ഇരിങ്ങാലക്കുട ഖണ്ഡ് സംഘചാലക് പി.കെ. പ്രതാപവര്മ്മ, സേവാഭാരതി സംസ്ഥാന സമിതി അംഗം പി.കെ.ഉണ്ണികൃഷ്ണന്, ജില്ലാ ജന.സെക്രട്ടറി പി. ഹരിദാസന്, വൈസ് പ്രസിഡന്റ് കെ. രവീന്ദ്രന്, ട്രഷറര് കെ.ആര്. സുബ്രഹ്മണ്യന്, സെക്രട്ടറി ടി.ആര്. ലിബിന്രാജ്, സമിതി അംഗം പി.കൃഷ്ണകുമാര് തുടങ്ങിയവര് സംബന്ധിച്ചു. ചെമ്മണ്ടയില് 13 പേര്ക്ക് നല്കിയ ഭൂമിയില് ആറു വീടുകളുടെ നിര്മ്മാണം ഇതിനകം പൂര്ത്തിയായി.
