തിരുവനന്തപുരം: കേരളം ഒരു പ്രത്യേക രാജ്യമാണെന്നാണ് കേരളാമുഖ്യമന്ത്രി പിണറായി വിജയന്‍ തെറ്റിദ്ധരിച്ചിരിക്കുന്നതെന്ന് എന്‍ഡിഎ സംസ്ഥാന കണ്‍വീനറും കാട്ടാക്കടയിലെ എന്‍ഡിഎ സ്ഥാനാര്‍ത്ഥിയുമായ പി.കെ. കൃഷ്ണദാസ്.
ഈ രാജ്യത്തിന്റെ രാജാധിരാജന്‍ താനാണെന്നും പിണറായി ധരിച്ചിരിക്കുന്നു. സ്വര്‍ണ്ണക്കടത്ത് കേന്ദ്ര ഏജന്‍സികള്‍ അന്വേഷിക്കണമെന്ന് ആവശ്യപ്പെട്ട് മുഖ്യമന്ത്രി തന്നെയാണ് പ്രത്യേകം കത്തെഴുതിയത്.- കൃഷ്ണദാസ് പറഞ്ഞു.
അന്വേഷണം മുഖ്യമന്ത്രിയ്‌ക്കും സ്പീക്കര്‍ക്കും മന്ത്രിമാര്‍ക്കും എതിരാണെന്നു കണ്ടപ്പോഴാണ് ഇഡിയ്‌ക്കെതിരെ തിരിഞ്ഞിരിക്കുന്നത്. ഇവരുടെ അധോലോകബന്ധം സംശയത്തിനതീതമാം വണ്ണം തെളിഞ്ഞു കഴിഞ്ഞെന്നും കൃഷ്ണദാസ് ചൂണ്ടിക്കാട്ടി.
കേന്ദ്ര ഏജന്‍സികള്‍ക്കെതിരെ ജുഡീഷ്യല്‍ അന്വേഷണം നടത്താനുള്ള തീരുമാനത്തിന് പീറക്കടലാസിന്റെ പോലും വിലയില്ലെന്നും അദ്ദേഹം പറഞ്ഞു.
