ജയ്‌പൂർ : രാജസ്ഥാനിൽ സൈനിക വാഹനം മറിഞ്ഞുണ്ടായ അപകടത്തിൽ മൂന്ന് സൈനികർ വീരമൃത്യു വരിച്ചു. അഞ്ച് പേർക്ക് ഗുരുതരമായി പരിക്കേറ്റു. ഗംഗാനഗർ ജില്ലയിലെ രാജിയാസറിലാണ് അപകടമുണ്ടായത്. ഇന്ന് രാവിലെയോടെയായിരുന്നു സംഭവം.
സൈനികർ യാത്ര ചെയ്തിരുന്ന ജിപ്‌സി മറിഞ്ഞ് തീപിടിക്കുകയായിരുന്നു. സുബേദാർ എ.മമാഗെർ, ഹവിൽ‌ദാർ ദേവ് കുമാർ, എസ്.കെ ശുക്ല എന്നിവരാണ് വീരമൃത്യു വരിച്ചത്. എട്ട് പേർ യാത്ര ചെയ്തിരുന്ന വാഹനത്തിനാണ് തീപിടിച്ചത്. അഞ്ച് പേർക്ക് പരിക്കുകളോടെ പുറത്തുകടക്കാൻ സാധിച്ചു. എന്നാൽ മൂന്ന് സൈനികർ വാഹനത്തിനുള്ളിൽ കുടുങ്ങിപ്പോകുകയായിരുന്നു.
പരുക്കേറ്റ സൈനികരെ ആശുപത്രിയിൽ പ്രവേശിപ്പിച്ചു.
