തിരുവനന്തപുരം: കേരള ഫിലിം ചേംബര് ഓഫ് കൊമേഴ്സ് പ്രസിഡന്റായി ജി. സുരേഷ് കുമാര് തെരഞ്ഞെടുക്കപ്പെട്ടു. ഫിലിം പ്രൊഡ്യൂസേഴ്സ് അസോസിയേഷന് മുന് പ്രസിഡന്റായിരുന്ന നിര്മാതാവ് സുരേഷ് കുമാര് എതിരില്ലാതെയാണ് തെരഞ്ഞെടുക്കപ്പെട്ടത്. സെക്രട്ടറിയായി ബി.ആര്.ജേക്കബും ട്രഷറര് ആയി വി.സി.ജോര്ജും (സാഗാ അപ്പച്ചന്) തെരഞ്ഞെടുക്കപ്പെട്ടു. വൈസ് പ്രസിഡന്റായി സോണി തോമസും ജോയിന്റ് സെക്രട്ടറിമാരായി സജി നന്ത്യാട്ട്, അനില് തോമസ് എന്നിവരും തെരഞ്ഞെടുക്കപ്പെട്ടു.
ഔദ്യോഗിക പ്രഖ്യാപനം അടുത്ത ദിവസമുണ്ടാകും. രേവതി കലാമന്ദിര് എന്ന നിര്മാണ വിതരണ കമ്പനിയുടെ ഉടമയാണ് ജി. സുരേഷ്കുമാര്. ഒരു വൈസ് പ്രസിഡന്റ് സ്ഥാനത്തേക്കും എക്സിക്യുട്ടീവ് കമ്മറ്റിയിലേക്കും മത്സരമുണ്ട്. ഫിലിം പ്രൊഡ്യൂസേഴ്സ് അസോസിയേഷന്, ഡിസ്ട്രിബ്യൂട്ടേഴ്സ് അസോസിയേഷന്, ഫിയോക്, ഫിലിം എക്സിബിറ്റേഴ്സ് ഫെഡറേഷന് തുടങ്ങിയ സംഘടനകളുടെ അപെക്സ് ബോഡി കൂടിയാണ് ഫിലിം ചേംബര്. വൈസ് പ്രസിഡന്റ് സ്ഥാനത്തേക്ക് സിയാദ് കോക്കറും കാവ്യചന്ദ്രികാ അസീസുമാണ് മത്സരിക്കുന്നത്.
പ്രതികരിക്കാൻ ഇവിടെ എഴുതുക: