റാന്നി: സിപിഎം അയിരൂര്‍ നോര്‍ത്ത് ലോക്കല്‍ കമ്മിറ്റി മുന്‍ സെക്രട്ടറിയും പഞ്ചായത്തംഗവുമായിരുന്ന സുരേഷ് കുഴിവേലിയും അനുയായികളും ബിജെപിയില്‍ ചേര്‍ന്നു. റാന്നിയിലെ വിജയ യാത്ര സ്വീകരണ സമ്മേളന വേദിയില്‍വെച്ച് പാര്‍ട്ടി സംസ്ഥാന അധ്യക്ഷന്‍ കെ.സുരേന്ദ്രനില്‍ നിന്നും അംഗത്വം സ്വീകരിച്ചു.
സിപിഎം ഇടപ്പാവൂര്‍ ലോക്കല്‍ കമ്മിറ്റി അംഗം ബ്രാഞ്ച് സെക്രട്ടറി എന്നീ നിലകളില്‍ പ്രവര്‍ത്തിച്ചിരുന്ന ജി പ്രസന്നന്‍ നായരും ബിജെപിയിലെത്തി. എഐഎസ്എഫ് മുന്‍ ജില്ലാ പ്രസിഡന്റ് ബിനുമാത്യു, കര്‍ഷക സംഘം നേതാവ് ടിജെ ജോസഫ് തടിത്തറയില്‍ തുടങ്ങീ നിരവധി ഇടതുപക്ഷ പാര്‍ട്ടി പ്രവര്‍ത്തകര്‍ റാന്നിയിലെ സമ്മേളനവേദിയില്‍വെച്ച് ബിജെപി അംഗങ്ങളായി.
പെരുനാട് ഗ്രാമ പഞ്ചായത്ത് മുന്‍ വൈസ് പ്രസിഡന്റും കേരളാ കോണ്‍ഗ്രസ് എം നേതാവുമായ ജിജു ശ്രീധര്‍, കോണ്‍ഗ്രസ് മുന്‍ മണ്ഡലം സെക്രട്ടറി വറുഗീസ് തോമസ് ഇടക്കടവില്‍ എന്നിവരും ബിജെപിയില്‍ ചേര്‍ന്നു.
പത്തനംതിട്ട ജില്ലയിലെ പര്യടനം നടത്തുന്ന വിജയ യാത്ര തിരുവല്ല, റാന്നി, പത്തനംതിട്ട എന്നിവിടങ്ങളിലെ സമ്മേളന വേദികളില്‍ എത്തി. പത്തനതിട്ടയിലെ പൊതുസമ്മേളനം മീനീക്ഷി ലേഖി എംപി ഉദ്ഘാടനം ചെയ്തു. ജാഥ പന്തളം, കോന്നി എന്നിവിടങ്ങളിലെ സ്വീകരണ സമ്മേളനങ്ങളില്‍ പര്യടനം നടത്തും.
പ്രതികരിക്കാൻ ഇവിടെ എഴുതുക: