കോഴിക്കോട്: പൊതുമുതല് നശിപ്പിച്ചെന്ന കേസില് റിമാന്ഡ് ചെയ്ത സിപിഎം നേതാവ് ടി.വി. രാജേഷ്, ഡിവൈഎഫ്ഐ അഖിലേന്ത്യാ അധ്യക്ഷന് പി.എ. മുഹമ്മദ് റിയാസ് എന്നിവര്ക്ക് ജാമ്യം. രണ്ട് പേരുടെ ആള് ജാമ്യത്തിലും കേസ് വിചാരണ വേളയില് കോടതിയില് ഹാജരാകണമെന്ന കര്ശ്ശന വ്യവസ്ഥയിലാണ് കോഴിക്കോട് സിജെഎം കോടതിയാണ് ജാമ്യം അനുവദിച്ചത്.
എയര് ഇന്ത്യ ഓഫീസിലേക്ക് മാര്ച്ച് നടത്തി പൊതുമുതല് നശിപ്പിച്ചുവെന്ന് കേസിലാണ് സിജെഎം കോടതി ചൊവ്വാഴ്ച ഇരുവരേയും റിമാന്ഡ് ചെയ്തത്. വിമാന യാത്രാക്കൂലി വര്ധിപ്പിച്ചെന്ന് ആരോപിച്ച് 2010-ല് ഡിവൈഎഫ്ഐയുടെ നേതൃത്വത്തില് കോഴിക്കോട് എയര് ഇന്ത്യയുടെ ഓഫീസ് ഉപരോധിച്ചിരുന്നു.
ഇത് അക്രമങ്ങളിലേക്ക് നീങ്ങുകയും ചെയ്തതോടെ പോലീസ് നേതാക്കള്ക്കെതിരെ കേസെടുത്തു. ഈ കേസില് തുടര്ച്ചയായി വിചാരണയ്ക്ക് എത്താന് ആവശ്യപ്പെട്ടിട്ടും ഹാജരാകാതിരുന്നതിനെ തുടര്ന്നാണ് റിയാസിനേയും ടി.വി. രാജേഷിനേയും റിമാന്ഡ് ചെയ്തത്.
