കൊല്ലം: കെഎസ്ആര്ടിസിയില് നടപ്പിലാക്കാന് ശ്രമിക്കുന്ന അശാസ്ത്രീയവും മാനദണ്ഡങ്ങള് പാലിക്കാത്തതുമായ ജനറല് ട്രാന്സ്ഫറിനെതിരെ കൊല്ലം ഡിപ്പോയില് ട്രാന്സ്പോര്ട്ട് തൊഴിലാളികള് പ്രകടനം നടത്തി. യോഗത്തില് തൊഴിലാളി കൂട്ടായ്മക്ക് വേണ്ടി കൊല്ലം ഡിപ്പോയിലെ കണ്ടക്ടര് പി.സി. രതിചന്ദ്രന് സംസാരിച്ചു.
ഗ്രഡേഷന് ലിസ്റ്റ് പ്രസിദ്ധീകരിക്കാതെയും ലിംഗസമത്വം പാലിക്കാതെയും നടപ്പിലാക്കാന് ശ്രമിക്കുന്ന പൊതു സ്ഥലംമാറ്റ പട്ടിക റദ്ദ് ചെയ്യണമെന്ന് അദ്ദേഹം ആവശ്യപ്പെട്ടു. സര്ക്കാര് ജീവനക്കാര്ക്ക് 12ാമത് ശമ്പള കമ്മീഷന് നടപ്പിലാക്കുവാന് സര്ക്കാര് ശ്രമിക്കുമ്പോള് ഇപ്പോഴും ഒന്പതാം ശമ്പളകമ്മീഷന് ശമ്പളം വാങ്ങുന്ന തൊഴിലാളികളെ വിദൂര ജില്ലകളിലേക്ക് സ്ഥലം മാറ്റുന്നത് വളരെയേറെ സാമ്പത്തിക ബുദ്ധിമുട്ട് ഉണ്ടാക്കുന്നതാണെന്നും പറഞ്ഞു. സി.എസ്. രാജീവ്കുമാര്, എ. അന്സര്, എ. നജീബ്, വി.എസ്. ശ്രീകുമാര് എന്നിവര് സംസാരിച്ചു.
