അജ്മല് അമീര്, വിഷ്ണു ഉണ്ണികൃഷ്ണന് എന്നിവരെ പ്രധാന കഥാപാത്രമാക്കി അസ്കര് അമീര് തിരക്കഥയെഴുതി സംവിധാനം ചെയ്യുന്ന ഈയല് എന്ന ചിത്രത്തിന്റെ ടൈറ്റില് പോസ്റ്റര് പുറത്തുവിട്ടു. മെഗാ സ്റ്റാര് മമ്മൂട്ടി തന്റെ ഒഫീഷ്യല് ഫേയ്സ് ബുക്ക് പേജിലൂടെയാണ് പോസ്റ്റര് റിലീസ് ചെയ്തിരിക്കുന്നത്.
വൈറ്റ് ഹൗസ് മോഷന് പിക്ച്ചേഴ്സിന്റെ ബാനറില് അഡ്വക്കേറ്റ് സുധീര് ബാബു നിര്മ്മിക്കുന്ന ഈ ചിത്രത്തില് നന്ദു, ഇര്ഷാദ്, നന്ദന് ഉണ്ണി, അനീഷ് ഗോപാല്, സുധി കോപ്പ, മെറിന് ഫിലിപ്പ്, പാര്വ്വതി നമ്പ്യാര്, പുതുമുഖം മാളവിക, സ്മിത തുടങ്ങിയ പ്രമുഖ താരങ്ങളും അഭിനയിക്കുന്നു.
ഛായാഗ്രഹണം- ബിപിന് ബാലകൃഷ്ണന്, എഡിറ്റര്- നൗഫല് അബ്ദുള്ള. എക്സിക്യൂട്ടീവ് പ്രൊഡ്യtസര്- റുഖ്സന സുധീര് ബാബു, പ്രൊഡക്ഷന് കണ്ട്രോളര്- ജാവേദ് ചെമ്പ്, കല- അനീസ് നാടോടി, മേക്കപ്പ്- ജയന് ദൂകുളം, വസ്ത്രാലങ്കാരം- സാനു മൂന്നാര്, സ്റ്റില്സ്- ഇബ്സണ് മാത്യു, പരസ്യകല- എം.ആര്. പ്രൊഫഷണല്, പ്രൊഡക്ഷന്, ചീഫ് അസോസിയേറ്റ് ഡയറക്ടര്- ഫ്രാന്സിസ് ജോസഫ് ജീര, അസോസിയേറ്റ് ഡയറക്ടര്- ജോമോന് ജോസഫ്, പ്രൊജക്റ്റ് ഡിസൈനര്- മുഹമ്മദ് കിരണ്, എക്സിക്യൂട്ടീവ്- ഷിബു പന്തലക്കോട്, വാര്ത്ത പ്രചരണം- എ.എസ്. ദിനേശ്.
2003 ല് എന്റെ വീട് അപ്പൂന്റേം എന്ന ചിത്രത്തിലൂടെ അഭിനയരംഗത്തേക്കെത്തിയ വിഷ്ണു തുടര്ച്ചയായി ബാലതാരവേഷങ്ങളിലൂടെയാണ് ശ്രദ്ധിക്കപ്പെട്ടത്. പിന്നീട് 2015 ല് അമര് അക്ബര് അന്തോണി എന്ന ചിത്രത്തിലൂടെ സഹതിരക്കഥാകൃത്തായി അരങ്ങേറിയ വിഷ്ണു കട്ടപ്പനയിലെ ഋതിക് റോഷന് എന്ന ചിത്രത്തിലൂടെ നായകനായി മാറി. ‘ഒരു യമണ്ടന് പ്രേമകഥ’ എന്ന ചിത്രത്തിനും വിഷ്ണു തിരക്കഥ രചിച്ചിരുന്നു. മോഹന്ലാല് നായകനായ ചിത്രം ബിഗ് ബ്രദറാണ് വിഷ്ണു ഉണ്ണിക്കൃഷ്ണന്റേതായി ഒടുവില് തീയേറ്ററുകളിലെത്തിയ ചിത്രം.
