പുനലൂര്‍: മുഖ്യമന്ത്രിയുടെ പരാതിപരിഹാര അദാലത്തായ സാന്ത്വന സ്പര്‍ശം മെഗാ അദാലത്തില്‍ പങ്കെടുത്ത മന്ത്രി കടകംപള്ളി സുരേന്ദ്രന് പിന്നാലെ ഒപ്പമുണ്ടായിരുന്ന മന്ത്രി കെ. രാജുവിനും കോവിഡ് സ്ഥിരീകരിച്ചു. ഇതോടെ അദാലത്തില്‍ പങ്കെടുത്ത ജനങ്ങളുടെ ആശങ്കയും ഭീതിയും വര്‍ധിച്ചു. ഈ രണ്ടു മന്ത്രിമാരും രണ്ചുദിവസങ്ങളിലായി അയ്യായിരത്തോളം പേരുമായാണ് കൊല്ലത്തും പുനലൂരിലും സമ്പര്‍ക്കം ചെയ്തത്.
മന്ത്രി മെഴ്‌സിക്കുട്ടിയമ്മയും ഇവര്‍ക്കൊപ്പം പങ്കെടുത്തിരുന്നു. കോവിഡ് മാനദണ്ഡങ്ങള്‍ പാലിക്കാതെ സംഘടിപ്പിച്ച പുനലൂരിലെ അദാലത്തില്‍ പങ്കെടുത്തത് രോഗികള്‍ ഉള്‍പ്പെടെയുള്ളവരാണ്. സാമൂഹികഅകലം പാലിക്കണമെന്ന് നിരന്തരം പറയുന്ന മന്ത്രിമാരും ഉദ്യോഗസ്ഥരും യാതൊരു മാനദണ്ഡങ്ങളും പാലിക്കാതെയാണ് പരാതി പരിഹാര അദാലത്ത് സംഘടിപ്പിച്ചതെന്ന് പരക്കെ ആക്ഷേപം ഉയര്‍ന്നിട്ടുണ്ട്
