ബെംഗളുരു: കര്‍ണാടക നിയമസഭയിലിരുന്ന് അശ്ലീല വീഡിയോ കണ്ട് കോണ്‍ഗ്രസ് എംഎല്‍എ. കര്‍ണ്ണാടക കോണ്‍ഗ്രസ് നേതാവ് പ്രകാശ് റാത്തോഡ് പോണ്‍ വീഡിയോകള്‍ കാണുന്നത് നിയമസഭയിലുണ്ടായുന്ന ക്യാമറാമാന്മാരാണ് കണ്ടെത്തിയത്. ഇത് മാധ്യമങ്ങള്‍ പുറത്തുവിട്ടതോടെ വിവാദമാവുകയായിരുന്നു.
കര്‍ണ്ണാടക കോണ്‍ഗ്രസിനുള്ളില്‍ വിഷയത്തില്‍ പ്രശ്‌നങ്ങള്‍ ഉടലെടുക്കുകയും ചെയ്തിരുന്നു. അതേസമയം താന്‍ ഇന്റര്‍നെറ്റില്‍ ബ്രൗസ് ചെയ്യുകയായിരുന്നില്ലെന്നും ഫോണിലുണ്ടായിരുന്ന അനാവശ്യ സന്ദേശങ്ങള്‍ നീക്കം ചെയ്യുകയായിരുന്നുവെന്നുമാണ് പ്രകാശ് റാത്തോഡ് എംഎല്‍എ വിശദീകരണം നല്‍കിയിരിക്കുന്നത്.
നിയമസഭയ്‌ക്കകത്ത് ഫോണ്‍ കൊണ്ടുപോകാറില്ല. എന്നാല്‍ ഒരു ചോദ്യം ചോദിക്കാനായി താന്‍ ആഗ്രഹിച്ചിരുന്നു. അതിനായാണ് ഫോണ്‍ എടുത്തത്. എന്നാല്‍ ഫോണിന്റെ സ്റ്റോറേജ് നിറഞ്ഞിരിക്കുകയാണെന്ന് മനസ്സിലായപ്പോള്‍ എനിക്കാവശ്യമില്ലാത്ത അനാവശ്യ ക്ലിപ്പുകള്‍ താന്‍ നീക്കം ചെയ്യുകയായിരുന്നുവെന്നാണ് പ്രകാശ് റാത്തോഡ് മറുപടി നല്‍കിയത്.
സംഭവത്തില്‍ റാത്തോഡിനെ സസ്പെന്‍ഡ് ചെയ്യണമെന്ന് ബിജെപി ആവശ്യപ്പെട്ടിട്ടുണ്ട്. എംഎല്‍എയ്‌ക്കെതിരെ കര്‍ശ്‌ളന നടപടികള്‍ കൈക്കൊള്ളണമെന്നും ബിജെപി വക്താവ് എസ് പ്രകാശ് പറഞ്ഞു.
പ്രതികരിക്കാൻ ഇവിടെ എഴുതുക: