ജയസൂര്യയെ നായകനാക്കി പ്രജേഷ് സംവിധാനം ചെയ്യുന്ന വെള്ളത്തിന്റെ ട്രെയിലര്‍ പുറത്തുവന്നു. ജനുവരി 22ന് ചിത്രം തിയേറ്ററുകളില്‍ പ്രദര്‍ശനത്തിന് എത്തും. ഫ്രണ്ട്‌ലി പ്രാെഡക്ഷന്‍സിന്റെ ബാനറില്‍ ജോസ്‌കുട്ടി മഠത്തില്‍,യദു കൃഷ്ണ,രഞ്ജിത് മണബ്രക്കാട്ട്എന്നിവര്‍ ചേര്‍ന്നു നിര്‍മ്മിക്കുന്ന ഈ ചിത്രത്തില്‍ സംയുക്ത മേനോന്‍,സ്‌നേഹ പാലേരി എന്നിവര്‍ നായികമാരാവുന്നു.
ചിത്രത്തിന്റെ ട്രെയ്ലര്‍ പ്രജേഷ് സെന്നും ജയസൂര്യയും അടക്കം നിരവധി പേര്‍ സാമൂഹ്യ മാധ്യമങ്ങളില്‍ പങ്കുവച്ചിട്ടുണ്ട്. ‘വെള്ളം മുരളിയെ അങ്ങോട്ട് അയക്കുവാണ്. കൈവിട്ടുകളയല്ലേ’ എന്ന്് ക്യാപ്ഷനോട് ചിത്രത്തിന്റെ ട്രെയിലര്‍ പങ്കുവച്ച് പ്രജേഷ് സെന്‍ കുറിച്ചു. ‘വെള്ളം മുരളി, നിങ്ങള്‍ അയാളെ ഇഷ്ടപ്പെടുമെന്ന് പ്രതീക്ഷിക്കുന്നു’ എന്നാണ് ജയസൂര്യ കുറിച്ചത്.
സിദ്ദിഖ്, ഇന്ദ്രന്‍സ്, ബൈജു, ശ്രീലക്ഷ്മി, പ്രിയങ്ക, ഇടവേള ബാബു, ജോണി ആന്റണി, വെട്ടുക്കിളി പ്രകാശന്‍, നിര്‍മല്‍ പാലാഴി, സന്തോഷ് കീഴാറ്റൂര്‍, ഉണ്ണി ചെറുവത്തൂര്‍, ബാബു അന്നൂര്‍, മിഥുന്‍, സീനില്‍ സൈനുദ്ധീന്‍, മുഹമ്മദ് പേരാമ്പ്ര, ശിവദാസ് മട്ടന്നൂര്‍, ജിന്‍സ് ഭാസ്‌കര്‍, ബേബിശ്രീലക്ഷ്മി തുടങ്ങി മൂപ്പതോളം പേര്‍ ചിത്രത്തില്‍ അഭിനയിക്കുന്നുണ്ട്.
റോബി വര്‍ഗ്ഗീസ് രാജാണ്- ഛായാഗ്രഹണം. ബി.കെ. ഹരിനാരായണന്‍, നിധേഷ് നടേരി, ഫൗസിയ അബൂബക്കര്‍ എന്നിവരുടെ വരികള്‍ക്ക് ബിജിബാല്‍ സംഗീതം പകരുന്നു. ബിജിത്ത് ബാലയാണ് എഡിറ്റിങ്. പ്രൊജക്റ്റ് ഡിസൈന്‍- ബാദുഷ, കോ പ്രൊഡ്യൂസര്‍- ബിജു തോരണത്തേല്‍, പ്രൊഡക്ഷന്‍ കണ്‍ട്രോളര്‍- സുധര്‍മ്മന്‍ വള്ളിക്കുന്ന്, കല- അജയന്‍ മങ്ങാട്, മേക്കപ്പ്- ലിബിസണ്‍ മോഹനന്‍, കിരണ്‍ രാജ്, വസ്ത്രാലങ്കാരം- അരവിന്ദ് കെ.ആര്‍, സ്റ്റില്‍സ്- ലിബിസണ്‍ ഗോപി, പരസ്യകല- തമീര്‍ ഓകെ, ചീഫ് അസോസിയേറ്റ് ഡയറക്ടര്‍- ഗിരീഷ് മാരാര്‍, അസോസിയേറ്റ് ഡയറക്ടര്‍- ജിബിന്‍ ജോണ്‍, സ്‌ക്രിപ്റ്റ് അസോസിയേറ്റ്‌സ്- വിജേഷ് വിശ്വം, ഷംസുദ്ദീന്‍ കുട്ടോത്ത്, ജയറാം സ്വാമി, പ്രൊഡക്ഷന്‍ മാനേജര്‍- അഭിലാഷ്, വിതരണം- സെന്‍ട്രല്‍ പിക്‌ച്ചേഴ്‌സ് റിലീസ്. പിആര്‍ഒ എ.എസ്. ദിനേശ്.
