മാഡ്രിഡ്: സ്പാനിഷ് സൂപ്പര് കപ്പില് ബാഴ്സലോണ ഫൈനലില്. റയല് സോസിഡാഡിനെ പെനാല്റ്റി ഷൂട്ടൗട്ടില് കീഴടക്കി. ഇരു ടീമും ഓരോ ഗോള് വീതം നേടി സമനില പാലിക്കുകയായിരുന്നു. തുടര്ന്ന് പെനാല്റ്റി ഷൂട്ടൗട്ടില് 3-2ന് ബാഴ്സ ഫൈനലിലേക്ക് കുതിച്ചു.
ഗോളി ആന്ദ്രെ സ്റ്റീഗന് ഷൂട്ടൗട്ടില് നടത്തിയ മിന്നുന്ന സേവുകളാണ് ബാഴ്സക്ക് വിജയ വഴിയൊരുക്കിയത്. നേരത്തെ കളിയുടെ അധിക സമയത്തും സ്റ്റീഗന് നിര്ണ്ണായക സേവുകള് നടത്തിയിരുന്നു. പരിക്കിന്റെ പിടിയിലായ സൂപ്പര് താരം ലയണല് മെസി ഇല്ലാതെയാണ് ബാഴ്സ ഇന്നലത്തെ മത്സരത്തിനിറങ്ങിയത്. 39-ാം മിനിറ്റില് ഡി ജോങ്ങിന്റെ തകര്പ്പന് ഹെഡറിലൂടെയാണ് ബാഴ്സ മുന്നിലെത്തിയത്. രണ്ടാം പകുതിയില് മൈക്കല് ഒയാര്സബല് പെനാല്റ്റി ഗോളാക്കി സമനില പിടിക്കുകയായിരുന്നു.
