കൊച്ചി: കാഞ്ഞിരപ്പള്ളി എസ്ഡി കോളജിലെ രണ്ടാംവര്ഷ വിദ്യാര്ത്ഥിനി ആയിരുന്ന ജെസ്ന മരിയ ജയിംസിനെ കണ്ടെത്തുന്നതിനായി ഫയല് ചെയ്ത ഹേബിയസ് കോര്പ്പസ് ഹര്ജി പിന്വലിച്ചു. കൊച്ചിയിലെ ക്രിസ്ത്യന് അലയന്സ് ആന്ഡ് സോഷ്യല് ആക്ഷന് എന്ന സംഘടന നല്കിയ ഹര്ജിയാണ് പിന്വലിച്ചിരിക്കുന്നത്.
സാങ്കേതിക പിഴവുകള് ഉള്ള ഹര്ജി തള്ളേണ്ടിവരും എന്ന് ഹൈക്കോടതി കോടതി മുന്നറിയിപ്പ് നല്കിയതിനെ തുടര്ന്നാണ് ഹര്ജി പിന്വലിച്ചത്. ജസ്റ്റിസ് വിനോദ് ചന്ദ്രന്, എം ആര് അനിത എന്നിവര് അടങ്ങിയ ഡിവിഷന് ബഞ്ചാണ് ഹര്ജി പരിഗണിച്ചത്.
ജസ്നയെ കാണാതായിട്ട് രണ്ട് വര്ഷമായെന്നും വിഷയത്തില് കോടതി അടിയന്തിര ഇടപെടല് നടത്തണമെന്നാണ് ഹര്ജിയില് ആവശ്യപ്പെട്ടിരുന്നത്. 2018 മാര്ച്ച് 22 നാണ് കോളേജിലേക്ക് പോയ ജെസ്നയെ കാണാതാകുന്നത്. കേസ് രജിസ്റ്റര് ചെയ്ത് രണ്ട് വര്ഷം കഴിഞ്ഞിട്ടും പെണ്കുട്ടിയെ കണ്ടെത്താന് സാധിച്ചിട്ടില്ല.
ഇക്കാര്യത്തില് കോടതി ഇടപെടണമെന്നും ആവശ്യപ്പെട്ടാണ ഹര്ജി നല്കിയിരുന്നത്. കേസില് അന്വേഷണം നടത്തിയ പോലീസ് മേധാവി, മുന് ക്രൈം ബ്രാഞ്ച് മേധാവി ടോമിന് ജെ തച്ചങ്കരി, ജെസ്ന തിരോധാനം അന്വേഷിച്ച പത്തനംതിട്ട മുന് എസ്പിയും വിരമിച്ച ഉദ്യോഗസ്ഥനുമായ കെ.ജി.സൈമണ് എന്നിവരെ എതിര് കക്ഷികളാക്കികൊണ്ടാണ് ഹര്ജി.
അതേസമയം ജസ്നയെ പല സ്ഥലങ്ങളിലും കണ്ടതായി ഇതിനോടകം പല വാര്ത്തകളും പുറത്തുവന്നിരുന്നു. എന്നാല് ഇതുസംബന്ധിച്ച് സ്ഥിരീകരണമൊന്നുമില്ല.
