മാഡ്രിഡ്: ലാ ലിഗയില് ഒന്നാം സ്ഥാനത്തുളള അത്ലറ്റിക്കോ മാഡ്രിഡ് ലീഡ് ഉയര്ത്തി. സെവിയയെ ഏകപക്ഷീയമായ രണ്ട് ഗോളുകള്ക്ക് തോല്പ്പിച്ചതോടെ അത്ലറ്റിക്കോ മാഡ്രിഡിന് രണ്ടാം സ്ഥാനത്തുളള റയല് മാഡ്രിഡിനെക്കാള് നാല് പോയിന്റ് ലീഡായി.
പതിനാറ് മത്സരങ്ങളില് അത്ലറ്റിക്കോ മാഡ്രിഡിന് 41 പോയിന്റായി. റയല് മാഡ്രിഡിന് പതിനെട്ട് മത്സരങ്ങളില് മുപ്പത്തിയേഴ് പോയിന്റാണുള്ളത്. പതിനേഴാം മിനിറ്റില് കൊറിയയും ഏഴുപത്തിയാറാം മിനിറ്റില് സൗളുമാണ് അത്ലറ്റിക്കോക്കായി ഗോളുകള് നേടിയത്.
മറ്റൊരു മത്സരത്തില് ഗ്രാനഡ എതിരില്ലാത്ത രണ്ട് ഗോളുകള്ക്ക് ഒസാസുനയെ തോല്പ്പിച്ചു. ലൂയി സുവാരസും സെര്ജിയോ ഹെരേരയുമാണ് ഗോളുകള് നേടിയത്.
