ലണ്ടന്: ഒടുവില് ആഴ്സണല് വിജയവഴിയില്. ഒന്നിനെതിരെ മൂന്ന് ഗോളുകള്ക്ക് ചെല്സിയെ പരാജയപ്പെടുത്തി. പ്രീമിയര് ലീഗില് രണ്ട് മാസത്തിനുശേഷം ആഴ്സണലിന്റെ ആദ്യ വിജയമാണിത്. മറ്റ് മത്സരങ്ങളില് എവര്ട്ടണും മാഞ്ചസ്റ്റര് സിറ്റിയും വിജയം നേടി.
ഈ സീസണില് പ്രീമിയര് ലീഗില് തുടക്കം മോശമായ ആഴ്സണല് ഈ വിജയത്തോടെ 17 പോയിന്റുമായി 14-ാം സ്ഥാനത്തെത്തി. എവര്ട്ടണ് മടക്കമില്ലാത്ത ഒരു ഗോളിന് ഷെഫീല്ഡ് യുണൈറ്റഡിനെ തോല്പ്പിച്ചു. ഈ വിജയത്തോടെ എവര്ട്ടണ് 15 മത്സരങ്ങളില് 29 പോയിന്റുമായി രണ്ടാം സ്ഥാനത്തെത്തി.
മാഞ്ചസ്റ്റര് സിറ്റി ഏകപക്ഷീയമായ രണ്ട് ഗോളുകള്ക്ക് ന്യൂകാസില് യുണൈറ്റഡിനെ കീഴടക്കി. ഈ വിജയത്തോടെ 14 മത്സരങ്ങളില് 26 പോയിന്റുമായി മാഞ്ചസ്റ്റര് സിറ്റി അഞ്ചാം സ്ഥാനത്തെത്തി.
