കോഴിക്കോട്: എം.പി സ്ഥാനം രാജിവെച്ച് നിയമസഭയില് മത്സരിക്കാനുള്ള പി.കെ കുഞ്ഞാലിക്കുട്ടിയുടെ തീരുമാനത്തിനെതിരെ ബിജെപി രംഗത്ത്. കുഞ്ഞാലിക്കുട്ടി വോട്ടര്മാരെ പരിഹസിക്കുകയാണ്. ജനങ്ങളുടെ കാശാണ് തെരഞ്ഞെടുപ്പ് നടത്താന് ചെലവഴിക്കുന്നത്. ഇത് ലീഗിന്റെ മാത്രം ആഭ്യന്തര കാര്യമാണെന്ന് പറയാനാവില്ലെന്ന് സുരേന്ദ്രന് പറഞ്ഞു.
കുഞ്ഞാലിക്കുട്ടി എംപി സ്ഥാനം രാജിവെച്ച് മത്സരിക്കുകയാണെങ്കില് തെരഞ്ഞെടുപ്പ് ചെലവ് പാണക്കാട് തങ്ങള് വഹിക്കണം. അല്ലെങ്കില് കുഞ്ഞാലിക്കുട്ടി സ്വന്തം നിലയ്ക്ക് വഹിക്കണമെന്നും സുരേന്ദ്രന് പറഞ്ഞു.
മുല്ലപ്പളളി കോണ്ഗ്രസിനെ ലീഗിന്റെ ആലയില് കൊണ്ടു കെട്ടിയിരിക്കുകയാണ്. ജമാഅത്തെ ഇസ്ലാമിയുടെ രാഷ്ട്രീയ മുഖമായ വെല്ഫെയര് പാര്ട്ടിയുമായുള്ള ബന്ധം ഇതിന്റെ തെളിവാണ്. യുഡിഎഫിന്റെ മേധാവിത്വം ഏറ്റെടുക്കാനാണ് ലീഗിന്റെ ശ്രമമെന്നും സുരേന്ദ്രന് കോഴിക്കോട്ട് മാധ്യമങ്ങളോട് പറഞ്ഞു.
