ന്യൂദല്ഹി : 2014 ലോക്സഭാ തെരഞ്ഞെടുപ്പിലെ കോണ്ഗ്രസ്സിന്റെ ദയനീയ പരാജയത്തിന്റെ ഉത്തരവാദിത്തം സോണിയ ഗാന്ധിക്കും മന്മോഹന് സിങ്ങിനുമെന്ന് അന്തരിച്ച മുന് രാഷ്ട്രപതി പ്രണബ് മുഖര്ജിയുടെ ഓര്മ്മക്കുറിപ്പ്. പ്രണബ് മുഖര്ജിയുടെ ജന്മദിനത്തോട് അനുബന്ധിച്ച് ജനുവരിയില് രുപ പബ്ലിക്കേഷന്സ് പുറത്തിക്കുന്ന ഓര്മക്കുറിപ്പിന്റെ പ്രസക്തഭാഗങ്ങളിലാണ് ഇതുസംബന്ധിച്ച സൂചനയുള്ളത്. മരണത്തിനു മുമ്പ് പൂര്ത്തിയാക്കിയ ആത്മകഥയുടെ നാലാംപതിപ്പാണ് ഇത്.
രാഷ്ട്രപതിയായുള്ള തന്റെ സ്ഥാനാരോഹണത്തോടെ കോണ്ഗ്രസിന്റെ നേതൃത്വത്തിന് രാഷ്ട്രീയ ശ്രദ്ധ നഷ്ടപ്പെട്ടു. 2012 മുതല് 17 വരെയുള്ള രാഷ്ട്രപതി കാലയലവില് കോണ്ഗ്രസ് പാര്ട്ടിയും ഭരണവും ഒരുപോലെ പരാജയത്തിലായിരുന്നു. സോണിയ ഗാന്ധിക്ക് പാര്ട്ടിയിലെ വിഷയങ്ങള് മികച്ച രീതിയില് കൈകാര്യം ചെയ്യാനായില്ല. സഖ്യം സംരക്ഷിക്കാനുള്ള തിരക്കില് പ്രധാനമന്ത്രിയായിരുന്ന മന്മോഹന് സിങ്ങിന് ഭരണമികവും പുറത്തെടുക്കാനായില്ല. പ്രധാനമന്ത്രിയായിരുന്നിട്ടും എംപിമാരുമായി മന്മോഹന് സിങ്ങിന് നല്ല ബന്ധം വളര്ത്തിയെടുക്കാനായില്ല.
2004 ല് ഞാന് ധനമന്ത്രിയായിരുന്നെങ്കില് 14 ലെ തിരിച്ചടിയില് നിന്ന് പാര്ട്ടി രക്ഷപ്പെടുമായിരുന്നുവെന്ന് നിരീക്ഷിക്കുന്ന കോണ്ഗ്രസുകാരുണ്ട്. എന്നാല് തനിക്ക് ആ അഭിപ്രായമില്ലെന്നും പ്രണബിന്റെ ‘ദി പ്രസിഡന്ഷ്യല് ഇയേഴ്സില്’ പ്രതിപാദിക്കുന്നുണ്ട്.
ഓര്മക്കുറിപ്പുകളില് താന് രാഷ്ട്രപതിയായിരുന്ന കാലയളിവില് പ്രധാനമന്ത്രിമാരായിരുന്ന മന്മോഹന് സിങ്ങിനെയും നരേന്ദ്രമോദിയെയും പ്രണബ് മുഖര്ജി താരതമ്യം ചെയ്യുന്നുമുണ്ട്. ഭരിക്കാനുളള ധാര്മിക അധികാരം പ്രധാനമന്ത്രിയില് നിക്ഷിപ്തമാണെന്ന് ഞാന് വിശ്വസിക്കുന്നു. പ്രധാനമന്ത്രിയുടെയും അദ്ദേഹത്തിന്റെ ഭരണകൂടത്തിന്റെയും പ്രവര്ത്തനങ്ങളുടെ പ്രതിഫലനമാണ് രാജ്യത്തിന്റെ ആകെയുളള അവസ്ഥ.
മന്മോഹന് സിങ് സഖ്യത്തെ സംരക്ഷിക്കുന്നതിനായി ശ്രദ്ധാലുവായിരുന്നു അത് ഭരണത്തെ ബാധിച്ചു. വിവിധ തിരഞ്ഞെടുപ്പ് തോല്വികളുടെ പശ്ചാത്തലത്തില് കോണ്ഗ്രസ് നേതൃത്വത്തിനെതിരേ പാര്ട്ടിയിലെ മുതിര്ന്ന് നേതാക്കളുള്പ്പടെ പരസ്യപ്രതികരണം നടത്തിയതിന് പിറകേയാണ് നേതൃത്വത്തെ വിമര്ശിച്ചുകൊണ്ടുളള പ്രണബ് മുഖര്ജിയുടെ ഓര്മക്കുറിപ്പുകള് പുറത്തിറങ്ങുന്നത്. കഴിഞ്ഞ ഓഗസ്റ്റിലാണ് പ്രണബ് മുഖര്ജി അന്തരിച്ചത്.
ദ ഡ്രമാറ്റിക് ഡികേഡ്: ദ ഇന്ദിര ഗാന്ധി ഇയേഴ്സ്, ദ ടര്ബുലന്ഡ് ഇയേഴ്സ്, ദ കോയിലേഷന് ഇയേഴ്സ് എന്നിവയാണ് നേരത്തെ, പുറത്തിറങ്ങിയ മൂന്നുഭാഗങ്ങള്. നാലാം ഭാഗം പ്രസിഡന്ഷ്യല് ഇയേഴ്സ് ജനുവരി ആദ്യം പുറത്തിറങ്ങുമെന്ന് പ്രസാധകരായ രൂപ പബ്ലിക്കേഷന് വ്യക്തമാക്കി.
