കൊച്ചി: സ്വര്ണക്കടത്തു കേസിലും കറന്സി കടത്ത് കേസിലും പ്രതികളായ സ്വപ്ന സുരേഷിന്റെയും സരിത്തിന്റെയും രഹസ്യ മൊഴിയെടുക്കല് ഇന്നും തുടരും. ഇന്ന് കറന്സി കടത്തുമായി ബന്ധപ്പെട്ട വിവരങ്ങളിലാണ് മൊഴിയെടുപ്പ്.
എന്ഫോഴ്സ്മെന്റ് ഡയറക്ടറേറ്റ് (ഇ ഡി) ഊരാളുങ്കല് സൊസൈറ്റിയോട് തേടിയിട്ടുള്ള വിവരങ്ങള് ലഭ്യമാക്കുന്നത് വൈകിച്ചേക്കുമെന്നാണ് അന്വേഷണ ഏജന്സികള് കരുതുന്നത്. അന്വേഷണം നീട്ടിക്കൊണ്ടുപോകാനുള്ള സര്ക്കാര് നടപടികളില് ഊരാളുങ്കലും ചേരുമെന്നാണ് വിലയിരുത്തുന്നത്.
അതിനിടെ, മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സി.എം. രവീന്ദ്രന് ചോദ്യം ചെയ്യലിന് ഹാജരാകാനുള്ള മൂന്നാമത്തെ നോട്ടീസും അനുസരിക്കില്ലെന്ന് വാര്ത്തകള് വന്നു. പക്ഷേ, രവീന്ദ്രന് ഹാജരാകുമെന്നുതന്നെയാണ് ഏജന്സി കരുതുന്നത്. സരിത്തിന്റെയും സ്വപ്നയുടെയും കസ്റ്റഡി കാലാവധി നാളെ കഴിയും. ശിവശങ്കറിന്റെ കസ്റ്റഡി 11 വരെയാണ്. വരും ദിവസങ്ങളില്, യുഎഇ കോണ്സുലേറ്റിലെ ഗണ്മാനെ ചോദ്യം ചെയ്തതിന്റെ തുടര് നടപടികള് ഉണ്ടാകും.
ജന്മഭൂമി ഓണ്ലൈന്