ഈ ആഴ്ച നിങ്ങള്‍ക്കെങ്ങിനെ…

മേടക്കൂറ്: അശ്വതി, ഭരണി, കാര്‍ത്തിക (1/4)

തൊഴില്‍രംഗത്ത് മാറ്റങ്ങള്‍ പ്രതീക്ഷിക്കാം. ധനനഷ്ടത്തിന് സാധ്യതയുണ്ട്. കുടുംബ ബന്ധങ്ങള്‍ കൂടുതല്‍ ശക്തമാകും. സര്‍ക്കാര്‍ സംബന്ധമായ ആനുകൂല്യങ്ങള്‍ ലഭ്യമാവും.

ഇടവക്കൂറ്: കാര്‍ത്തിക (3/4), രോഹിണി,  മകയിരം (1/2)

രോഗ ക്ലേശങ്ങള്‍ക്ക് ശമനമുണ്ടാവും. ബന്ധുഗുണം വര്‍ധിക്കും. സന്താനങ്ങളുടെ ഉന്നതിക്കായി ധനവിനിയോഗം ചെയ്യും. വിവാഹാദി മംഗള കര്‍മങ്ങളില്‍ പങ്കുവഹിക്കും. അവസരോചിതമായ പെരുമാറ്റത്തിലൂടെ പ്രതിസന്ധികളെ തരണം ചെയ്യും.

മിഥുനക്കൂറ്: മകയിരം (1/2), തിരുവാതിര,  പുണര്‍തം (3/4)

വ്യാവസായികമായ മേഖലയില്‍ പരാജയങ്ങള്‍ക്ക് സാധ്യത കാണുന്നു. കാര്‍ഷികരംഗം പുഷ്ടിപ്പെടും. അടുത്ത സുഹൃത്തുക്കളില്‍നിന്നും വഞ്ചനാപരമായ സാഹചര്യങ്ങള്‍ വന്നുചേരും.

കര്‍ക്കടകക്കൂറ്: പുണര്‍തം(1/4), പൂയം,  ആയില്യം

സ്‌നേഹബന്ധങ്ങള്‍ പലതും വൈവാഹിക ജീവിതത്തിന് വഴിതെളിക്കും. മതപരമായ കര്‍മങ്ങളില്‍ പങ്കുവഹിക്കും.  ജല സംബന്ധമായ വ്യവസായങ്ങളില്‍നിന്നും ധനാഗമം സിദ്ധിക്കും. അനുഭവ ഗുണം വര്‍ദ്ധിക്കും.

ചിങ്ങക്കൂറ്: മകം, പൂരം, ഉത്രം(1/4)

നൂതന പദവിയില്‍ ശോഭിക്കും. സാമ്പത്തി ചെലവുകള്‍ വഹിക്കുന്നതാണ്. മത്സര സമാനമായ അനുഭവങ്ങള്‍ വന്നുചേരും. യാത്രകള്‍ പലതും മാറ്റിവയ്‌ക്കപ്പെടും.

കന്നിക്കൂറ്: ഉത്രം (3/4), അത്തം, ചിത്തിര(1/2)

വിദ്യാഭ്യാസപരമായി പല നേട്ടങ്ങളും സിദ്ധിക്കും. അനുഭവ ഗുണം വര്‍ധിക്കും. അപകടങ്ങളില്‍നിന്നും അദ്ഭുതകരമായി രക്ഷപ്രാപിക്കും. മാതൃജനങ്ങളുടെ ആരോഗ്യനിലയില്‍ ആശങ്കയുണ്ടാവും.

തുലാക്കൂറ്: ചിത്തിര(1/2), ചോതി,  വിശാഖം (3/4)

അപ്രതീക്ഷിതമായ ഭാഗ്യാനുഭവങ്ങള്‍ സിദ്ധിക്കും. രോഗശാന്തിയും, കുടുംബ സമാധാനവും നിലനില്‍ക്കും. വൈദേശികമായി ജോലി സാധ്യതകള്‍ക്കായി പരിശ്രമിക്കും.

വൃശ്ചികക്കൂറ്: വിശാഖം(1/4), അനിഴം,  തൃക്കേട്ട

അസൂയാലുക്കളുടെ ശല്യ വര്‍ധനവ് ഉണ്ടാകും. പൊതുജനങ്ങളുടെ അംഗീകാരങ്ങള്‍ വര്‍ധിക്കും. സാമ്പത്തിക ക്ലേശത്തിന് ശമനമുണ്ടാവും. ആരോഗ്യനില തൃപ്തികരമാവും.

ധനുക്കൂറ്: മൂലം, പൂരാടം, ഉത്രാടം(1/4)

വാഹന സംബന്ധമായി ധനനഷ്ടത്തിന് സാധ്യതയുണ്ട്. ഉറ്റവരുടെ സഹായങ്ങള്‍ക്ക് അവസരമുണ്ട്. ഔദ്യോഗിക സ്ഥാനചലനത്തിന് സാധ്യതയുണ്ട്. ദൈവികമായ കാര്യങ്ങള്‍ക്ക് ധനം ചെലവിടും.

മകരക്കൂറ്: ഉത്രാടം(3/4), തിരുവോണം, അവിട്ടം (1/2)

ബുദ്ധിപൂര്‍വം ജീവിത പ്രശ്‌നങ്ങളെ നേരിടും. പിതൃകുടുംബ സമ്പത്തുക്കള്‍ അനുഭവത്തില്‍ വരാന്‍ യോഗമുണ്ട്. രക്ഷാസ്ഥാനം കണ്ടെത്തും.

കുംഭക്കൂറ്: അവിട്ടം(1/2), ചതയം, പൂരുരുട്ടാതി(3/4)

കമിതാക്കള്‍ക്ക് വിവാഹയോഗമുണ്ട്. ആരോഗ്യനിലയില്‍ ആശങ്കയുണ്ടാവും. ഭാവിയിലേക്കുള്ള നൂതന തീരുമാനങ്ങള്‍ കൈക്കൊള്ളും. ബന്ധുജനങ്ങളുടെ അപ്രീതിക്ക് സാധ്യതയുണ്ട്.

മീനക്കൂറ്: പൂരുരുട്ടാതി(1/4), ഉതൃട്ടാതി, രേവതി

ഔദ്യോഗിക രംഗത്ത് നിയമനടപടികളെ അഭിമുഖീകരിക്കേണ്ടതായി വരും. കുടുംബ പൂര്‍വിക സമ്പത്തുക്കള്‍ കൈവശം വന്നുചേരും. ആരോഗ്യനില തൃപ്തികരമായി തുടരും. ജനസ്വാധീനം വര്‍ധിക്കും.