ന്യൂദല്‍ഹി : ഫുട്ബോള് ലോകത്തിന് മികച്ച കായിക നിമിഷങ്ങള്‍ സമ്മാനിച്ച താരമാണ് ഡീഗോ മറഡോണ. ഫുട്ബോള് ഇതിഹാസത്തിന്റെ നിര്യാണത്തില്‍ ആദരാഞ്ജലികള്‍ അര്‍പ്പിച്ച് പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് അദ്ദേഹം അനുശോചനം രേഖപ്പെടുത്തിയത്.
കരിയറിലുടനീളം ഫുട്ബോള് ലോകത്തിന് മികച്ച കായിക നിമിഷങ്ങള്‍ സമ്മാനിച്ച താരമാണ് ഡീഗോ മറഡോണ. അദ്ദേഹത്തിന്റെ വിയോഗം അതീവ ദുഃഖമുളവാക്കുന്നു എന്നായിരുന്നു പ്രാധനമന്ത്രിയുടെ ട്വീറ്റ്.
ഹൃദയാഘാതത്തെ തുടര്‍ന്ന് കഴിഞ്ഞ ദിവസം രാത്രിയാണ് മറോഡോണ അന്തരിച്ചത്. 60 വയസ്സായിരുന്നു. ഇതിഹാസ താരത്തിന്റെ മരണത്തില്‍ ലോകത്തിന്റെ വിവിധ ഭാഗങ്ങളില്‍ നിന്നായി നിരവധി പ്രമുഖരാണ് ആദരാജ്ഞലികള്‍ അര്‍പ്പിച്ചത്.
