കോഴിക്കോട്: എലിയറമല സംരക്ഷണസമിതി വൈസ് ചെയര്മാനും ബിജെപി പ്രവര്ത്തകനും ഓട്ടോറിക്ഷ ഡ്രൈവറുമായ കെ.കെ. ഷാജിയെ വെട്ടിക്കൊലപ്പെടുത്താന് ശ്രമിച്ച കേസിലെ മുഖ്യആസൂത്രകനെ കസ്റ്റഡിയിലെടുക്കാന് പോലീസ് നീക്കം ശക്തമാക്കി. ഒളിവില് കഴിയുന്ന പോപ്പുലര് ഫ്രണ്ട് പ്രവര്ത്തകന് പൂവാട്ടുപറമ്പ് മാങ്ങോട്ടുവീട്ടില് എം.സി. അന്സാറിന് വേണ്ടിയാണ് പോലീസ് തെരച്ചില് തുടങ്ങിയത്. ഇയാളുടെ മുന്കൂര് ജാമ്യം ഹൈക്കോടതി റദ്ദാക്കിയതോടെയാണ് ഈ നീക്കം.
അന്സാര് കോഴിക്കോട് ജില്ലാ സെഷന്സ് കോടതിയില് നിന്ന് നേടിയ മുന്കൂര് ജാമ്യമാണ് ഹൈക്കോടതി കഴിഞ്ഞ ദിവസം റദ്ദാക്കിയത്. ഇയാളെ കസ്റ്റഡിയില് ചോദ്യം ചെയ്യണമെന്നും മുന്കൂര് ജാമ്യം റദ്ദാക്കണമെന്നും ആവശ്യപ്പെട്ട് ചേവായൂര് പോലീസ് ഹൈക്കോടതിയില് പ്രത്യേകം അപേക്ഷ നല്കിയിരുന്നു. 2019 ഒക്ടോബര് 12ന് രാത്രിയാണ് എസ്ഡിപിഐ, പോപ്പുലര് ഫ്രണ്ട് അക്രമികള് ഷാജിയെ വധിക്കാന് ശ്രമിച്ചത്.
