ദുബായ്: കിങ്‌സ് ഇലവന്‍ പഞ്ചാബിന്റെ വിന്‍ഡീസ് താരം നിക്കോളാസ് പൂരാനെ പ്രശംസിച്ച് സച്ചിന് ടെന്‍ഡുല്‍ക്കര്‍. ദല്‍ഹി ക്യാപിറ്റല്‍സിനെതിരായ മത്സരത്തില്‍ അര്‍ധസെഞ്ചുറി നേടി ടീമിനെ വിജയത്തിലേക്ക് നയിച്ചതിന് പിന്നാലെയാണ് പൂരാനെ പ്രശംസിച്ച് സച്ചിന് രംഗത്തെത്തിയത്. ടീമിന് ആവശ്യമുള്ള സമയങ്ങളില്‍ ആഞ്ഞടിക്കാനും അല്ലാത്തപ്പോള്‍ പതിയെ സ്‌കോര്‍ ഉയര്‍ത്താനും പൂരാന് പ്രത്യേക കഴിവുണ്ട്. അദ്ദേഹത്തിന്റെ ബാറ്റിങ് ദക്ഷിണാഫ്രിക്കയുടെ മധ്യനിര ബാറ്റ്‌സ്മാന്‍ ജെ.പി. ഡുമിനിയെ അനുസ്മരിപ്പിക്കുന്നതാണ്. മികച്ച ബാറ്റിങ്ങാണ് പൂരാന് സീസണില്‍ കാഴ്ചവയ്‌ക്കുന്നതെന്നും സച്ചിന് പറഞ്ഞു.
28 പന്തില്‍ മൂന്ന് സ്‌കിസും ആറ് ഫോറും അടക്കമാണ് പൂരാന് 53 റണ്‍സ് നേടിയത്. നേരത്തെ ഓപ്പണര്‍മാരായ കെ.എല്‍. രാഹുലും മായങ്ക് അഗര്‍വാളും തുടക്കത്തിലേ പുറത്തായിരുന്നു. വെടിക്കെട്ട് ബാറ്റ്‌സ്മാന്‍ ക്രിസ് ഗെയില്‍ തുടക്കം ഗംഭീരമാക്കിയെങ്കിലും 29 റണ്‍സിന് പുറത്തായി. സമ്മര്‍ദഘട്ടത്തില്‍ പൂരാന് നടത്തിയ മികച്ച പ്രകടനമാണ് ടീമിന് ജയം സമ്മാനിച്ചത്. പൂരാന് പിന്തുണ നല്‍കി ഓള്‍റൗണ്ടര്‍ ഗ്ലെന്‍ മാക്‌സ്‌വല്ലും മത്സരത്തില്‍ മികച്ച പ്രകടനം നടത്തി.
