ഹരിപ്പാട്: കരുവാറ്റ സര്വീസ് സഹകരണ ബാങ്കിന്റെ ലോക്കര് പൊളിച്ച് സ്വര്ണ്ണാഭരണങ്ങളും പണവും അപഹരിച്ച കേസില് രണ്ട് പ്രതികളെ പോലീസ് അറസ്റ്റ് ചെയ്തു.മാവേലിക്കര കണ്ണമംഗലം കൈപ്പള്ളില് വീട്ടില് ഷൈബു (അപ്പുണ്ണി- 39) തിരുവനന്തപുരം കാട്ടാക്കട തമ്പിക്കോണം, പാവോട് വഴിയില് .മേലേപ്ല വീട്ടില് ഷിബു (43) എന്നിവരാണ് പിടിയിലായത്. പ്രധാന പ്രതി തിരുവനന്തപുരം സ്വദേശിയെ പിടിക്കുവാനുള്ള ഊര്ജ്ജിത ശ്രമത്തിലാണ് അന്വേഷണ സംഘം. പിടിയിലായവരില് നിന്നും ഒന്നര കിലോ സ്വര്ണ്ണാഭരണങ്ങളും അന്വേഷണ സംഘം കണ്ടെടുത്തു.
ഓണ അവധിക്ക് അടച്ചിട്ടിരുന്ന ബാങ്കിന്റെ ലോക്കര് പൊളിച്ച് 5.43 കിലോഗ്രാം സ്വര്ണ്ണാഭരണങ്ങളും 4.43 ലക്ഷം രൂപയുമാണ് സംഘം അപഹരിച്ചത്. കഴിഞ്ഞ മാസം 29,30,31 തീയതികളിലായിരുന്നു കൃത്യം നിര്വ്വഹിച്ചത്. ഹോളിഡേ ഹണ്ടേഴ്സ് എന്ന പേരില് എറണാകുളം റേഞ്ച് ഡിഐജി കാ ളി രാജ് മഹേഷ് കുമാറിന്റെ നേത്യത്വത്തില് രൂപീകരിച്ച അന്വേഷണ ടീം ആണ് പ്രതികളെ പിടികൂടിയത്.
