ന്യൂദല്ഹി: കുവൈറ്റ് രാജ്യതലവനായ ഷെയ്ക്ക് സബ അല് അഹമദ് അല് ജബേര് അല് സബയുടെ നിര്യാണത്തെ തുടര്ന്ന്് അദ്ദേഹത്തോടുള്ള ആദരസൂചകമായി നാളെ ഇന്ത്യയിലെ എല്ലാ സംസ്ഥാനങ്ങളിലും ദേശീയ പതാക താഴ്ത്തിക്കെട്ടും. രാജ്യമെമ്പാടും ഒരു ദിവസത്തെ ദേശീയ ദുഃഖാചരണം നടത്താന് കേന്ദ്ര സര്ക്കാര് നിര്ദേശിച്ചതിന്റെ ഭാഗമാണിത്. സ്ഥിരമായി ദേശീയ പതാക ഉയര്ത്തുന്ന കെട്ടിടസമുച്ചയങ്ങളില് നാളെ പതാക, പകുതി താഴ്ത്തി കെട്ടും. നാളെ ഔദ്യോഗിക ആഘോഷങ്ങള് ഉണ്ടായിരിക്കുന്നതല്ല.
ഇതിന്റെ ഭാഗമായി കേരളത്തിലെയും എല്ലാ സര്ക്കാര് ഓഫീസുകളിലും നാളെ ദേശീയ പതാക താഴ്ത്തിക്കെട്ടും. കൂടാതെ ദുഖാചരണത്തിന്റെ ഭാഗമായി ഓഫീസുകളില് ഔദ്യോഗിക പ്രവേശനം ഉണ്ടാകുന്നതല്ലന്നും സര്ക്കാര് അറിയിച്ചു.
