കോട്ടയം: സ്വര്ണ്ണക്കടത്തിന് നേതൃത്വം നല്കിയ മന്ത്രി കെ.ടി. ജലീല് രാജിവെയ്ക്കണമെന്ന് ആവശ്യപ്പെട്ട് എബിവിപി ജില്ലാ കമ്മിറ്റിയുടെ നേതൃത്വത്തില് കോട്ടയം എസ്പി ഓഫീസിലേക്ക് മാര്ച്ച് നടത്തി. സമാധാനപരമായി നടത്തിയ മാര്ച്ചിന് നേരെ പോലീസ് ജല പീരങ്കി പ്രയോഗിച്ചു.
തൊട്ടുപിന്നാലെ പ്രവര്ത്തകരെ പോലീസ് വളഞ്ഞിട്ടു മര്ദ്ദിച്ചു. തുടര്ന്ന് സിഐ നിര്മ്മല് ബോസിന്റെ നേതൃത്വത്തിലുള്ള പോലീസ് സംഘം വിദ്യാര്ത്ഥികളെ അറസ്റ്റു ചെയ്തു. പോലീസ് വാനിലേക്ക് കയറ്റുന്നതിനിടെ പോലീസ് വിദ്യാര്ത്ഥികളെ ലാത്തിക്ക് അതിക്രൂരമായി കുത്തുന്നുണ്ടായിരുന്നു. മാര്ച്ച് സംസ്ഥാന ജോയിന്റ് സെക്രട്ടറി എന്.എ. അര്ജുനന് ഉദ്ഘാടനം ചെയ്തു.
